 |
 |
प्रिन्टार (Printer):
प्रिन्टारआ जाबाय मोनसे गुबै आगजु । बेखौ मानषिफोरा दाटा फ़ोर्खौ अरायसम बाहायनो हानाय बायदि साफायना दिननो हायो ।
बेयो कम्पिउटारनि आउतपुट बायदियै हांखौ आरो ग्राफिक्सखौ लायो आरो बिलाइआव साफायो। साफायनाय आउटपुटफोरा सरासन्स्रायै जुगामि जायो। बायदिसिना बिलायफोरखौ कम्पिउटारनि हेफाजाबाव साफायनाय जायो। बे प्रिन्टारखौ गाहायै जों मोननै बाहागोआव राननो हायो ।
(1) इमपेक्ट प्रिनटार (Impact Printer): बेहा मोननै बाहागो दङ । i) लेतार कुवाल्ति प्रिन्तार(letter quality printer) ii) लाइन प्रिन्तार(line printer)
(2) न’न इमपेक्ट प्रिन्टार (Non Impact Printer):
इमपेक्ट प्रिनटार (Impact Printer):
बेयो टाइप मेसिन बायदि खामानि मावो । सियाहि थानाय फिटायाव बुजाबनानै हांखोफोरखौ साफायो। जरैः- डट मेट्रिकस प्रिन्टार, डैजि व्हिल प्रिन्तार।
i) लेतार कुवाल्ति(letter quality) :
बेखौ सिरियेल प्रिन्तार एबा हाखों प्रिन्तार बुंनाइ जायो। मानोना बेयो मोनसे समाव मोनसे हांखो सापायो। बेयाव हांखोफ़ोरा जोबोत रोखा रोखा जानानै सापाइजायो। बेफ़ोर हांखोफ़ोरा आवगायाव थि खालामना लानाइ माखासे आगजु जों बानायजानाइ। जेरै :-डट मेट्रिकस प्रिन्टार, डैजि व्हिल प्रिन्तार।
a)डट मेट्रिकस प्रिन्टार(Dot matrix printer): मानोना बेयो मोनसे समाव मोनसे हांखो सापायो। हांखोआ द'त एबा बिन्दुजों ज'थाइना सोमजियो।
b)डैजि व्हिल प्रिन्तार (Daisy wheel printer):- बे बादि प्रिन्तार आ मोनसे साका गोनां बेंखनजों हांखो जथायना बानायजानाय । नांगौबादि हांखौ सापायनो गोनां जायोबोला बे बेंखननिफ़्राइ हांखो आ सापायजायो ।
ii)लाइन प्रिन्तार(line printer): लाइन प्रिन्तार आ रोखोमसे गोख्रैथि गोनां प्रिन्तार । गिदिर फ़संथाननि गोबां बिलाइ सापाइनि गोनां जायोब्ला बिदि प्रिन्तारखौ बाहायनाइ जायो । बे बादि प्रिन्तारा मोनसे समाव मोनसे लाइन एबा हांखौनि फ़ारि सापाइनो हायो ।