स्तेतिक मेमोरि आरो मेमरि स्तिक(static memory and memory sticks)
      सरासनस्रायै बेखौ पेन द्राइभ, फ़्लेश द्राइभ एबा जाम्प द्राइभ बो बुङो । डाता थुब्रायनो बेयो ic एबा चिप्स बाहायो । बेखौ बाहायनो नांगौ जानाइ गोहोआ गैयाब्लाबो बेयाव डाताफ़ोरा थुबुर जाना थायो । बिसोरो कम्पिउतारनि USB पर्त आव नाङ्जाबो । बेनि डाता थुबुर खालामनाइ बिबाङा 128 mb नि ख्रुइ बाङसिन जानो हागौ । बेनि महरा नुनायाव जोबोत फ़िसा आरो दाता थुबुर खालामनाइ बिबांआ बांद्राइ खाइनो दानिया फ़्लपि द्राइभ नि सोलाइ बेखौनो बाहायो ।

सेमिकन्दाकतर मेमोरि(semiconductor memory):
      कम्पिउतारनि सिङाव थानाइ गुबै मेमरि जोबोर फ़िसा महरनि सिलिकन मेमरि जों बानाइनाइ । बे इलेकट्रनिक्स आगजु आ नुनायाव फ़िसाब्लाबो मिलिवन बितस सोखनो हायो । मोनफ़ा मेमरि चिप्स आ माखासे मेमरि जथाइ जाना थायो ।

सेमिकन्दाकतर मेमोरि बाहागोफ़ोर(type of semiconductor memory):
i)रेन्ड्म एक्सेज मेमरि एबा रेम (RAM): जिखुनु डाताखौनो बे मेमरिआव लिरनो एबा खोमोरनो हायो । नाथाइ बेयो रोखोमसे भलेताइल मेमरि । जेब्ला नांगौ जानाय गोहोआ गैया जाब्ला बेनि थुब्राइनाइ डाता फ़ोराबो गोमोर लाङो ।
ii)रिड अनलि मेमरि एबा र'म (Read Only Memory): बे मेमरिआव डाताफ़ोरा अराइ समनि थाखै थुबुर जाना थायो । नांगौ जानाइ गोहोआ गैयाब्लाबो बेनि डाता फ़ोरा गोमोर लांआ । बेनि डाता फ़ोरखौ सोलायनोबो लाना हाया । बेयो रोखोमसे ननभलेताइल मेमरि ।
iii) प्रग्रामेबल र'म (PROM) : ब्र र'म नि डाताखौ रोखोमसे आगजुनि दारै लिरनो एबा प्रग्राम खालामनो हायो । बे आगजुखौ PROM programmer बुंनाइ जायो ।
iv) इराजेबल प्रग्रामेबल र'म(EPROM): बे र’म आव आलत्राभायलेत रे होना आव्गायनि डाटाखौ खोमोरना गोदानै लिरफ़िन्नो हायो । माखासे बार लिरनो आरो खोमोरनो हायो ।
v)केच मेमरि(Cashe Memory): कम्पिउतारनि खामानिखौ गोख्रै खालामनो रोखोमसे मेमरि बाहायनाइ जायो । बेखौ केच मेमरि बुंनाइ जायो । बेनि गोख्रैथिया जोबोर गोबां । बे गुबै मेमरिआ प्रसेसरनि सेराव नांजाबना थायो ।