सरसनस्रायै सफ्ट्वेर फोरखौ मोननै बाहागोआव राननो हायो ।
(क) सिष्टेम सफ्ट्वेर (system software)
(ख) एप्लिकेसन सफ्ट्वेर (Application Software)

(क) सिष्टेम सफ्ट्वेर
      सिष्टेम सफ्ट्वेरआ कम्पिउटारनि खामानिफोरखौ नाइयो आरो खामानिफोरनि सायाव नोजोर लाखियो । बयबो बाहागोखोनो गावनि खामानि मावनी हानाय बाथदियै मोनसे खानथिआव सोलायो।सिष्टेम सफ्ट्वेरआ बेनि अनगायेबो कम्पिउटारनि खाबुफोरखौ आरो बिनि सम्पदफोरनि खाबुफौरखौ मोननायव हेफाजब होयो । मेसिन क’डसिम रावदास्लायनाय खामानिखौ मोनसे गुबुन रौखोमनि सफ्ट्वेरनि हेफाजाबाव खालामी जायखौ बुंनाय जायो कम्पाइलार । अपारेटिं सिष्टेम कम्पिउटारजों जराइना थानाय बाइदि आगजुफोरखौ बाहायनो आरो कनट्रल खालामनो कम्पिउटारखौ थियारी खालामो । अपारेटिं सिष्टेम आरो कम्पाइलारफोरा जादों सिष्टेम सफ्ट्वेर ।

(ख) एप्लिकेसन सफ्ट्वेर
      बेयो एरैबायदि प्रग्रेमखौ फोरमायो जायफोरा कम्पिउटार बाहायग्राफोरजों सोमोन्दो(लोब्बा) थायो । रोखायै खायफा खामानि जेरै-पेइर’ल प्रसेसिं, इनभेन्ट’रि कन्ट्रल एबा व र्ड प्रसेसिं बायदि कम्पिउटारखौ खालामनो अनुमथि होयो ।

प्रग्रेमिं राव (Programming language)
      गाहायाव मोननैसो बयबो मिथिनाय गोजौ थाखोनि प्रग्रामिं रावफोरखौ होनाय जाबाय:
फर्थरान (Fortran)
      बेयो मोनसे फर्मुला ट्रेनस्लेसननि गुसुं मुं । IBM आ-FORTRAN खौ 1957 आव दिहुन्नायमोन । गोरा गोरा Mathematical खामानिफोरखौ मावनो थाखाय आरो गोबां खामानि मावनो हानाय खाबु थानायखाय बैगानिक आरो इन्जिनियारीं सान्नायनि थाखाय जोबोर मोजां ।