2.6.फाइलनि बाहागोफोर(Types of Files)
उइन्दजनि फाइलफोर
      माइक्रसफ्त कम्पानिया बाहायग्रा फोरनि थाखै जोबोत गोर्लै जानाय बादि उइन्दज अपारेटिं सिष्टेमखौ बानायदों। नाथाय माखासेनि थाखै बेयो जोबोत गोरा जानो हागौ। नाथाइ गोसो होनानै मोजांहै बिजिरोब्ला बेयो बयनिबो थाखै गोरलै जायो।
      बबेबा फाइलआ गावनि मुंनि अनगायै .(दत) थाबावो आरो बे दतनि उनाव मोनथाम मोनब्रै हांखो थाबाव होयो। हमना ला फाइल आ 8.3. महरनि होनोब्ला 8 था हांखौ जों फाइलनि मुं जागोन आरो .(दत) नि उनाव मोन 3 हांखौ थाबावगोन। बे 3 हांखौ आ फाइल नि आखल एबा बे प्रगेमजों बानायनाय बेखौ मोन्थिहोयो।
जेरै
- myletter.doc
- somecalcs.xls
- myhold.jpg
गोजौआव होनाय 8 था हांखोआ फाइलनि गुबै मुं बेनिफ्राइ दतनि उनाव थानाय मोन 3 हांखो आ फाइलनि प्रग्रामनि एबा आखलखौ दिन्थिनो।
गाहायाव माखासे फाइल फोरनि जेरै होनाय जाबाय।
.doc माइक्रसफ्त वर्ड दकुमेन्ट
.xls माइक्रसफ्त एक्सेल फाइल
.exe प्रग्राम एबा एप्लिकेसन बाहायनाय फाइल
.txt हांखौल’ गोनां फाइल, बेयो word, notepad आरो wordpad प्रग्रामफ़ोराव बेखेवजायो ।
.bmp पैन्ट(paint) जों बानायजानाय सावगारी फाइल
.jpg मोनसे सावगारी फाइल
.wav राव गोनां फाइल
.mp3 मेथाय गोनां फाइल
जायखि जाया windows 98 एबा बेनि उननि अपारेटिं सिष्टेमफोरा फाइलनि मुंखौ 255 हांखौसिम लिरनो हागौ।