3.0 सिनाइथि(Introduction)
कम्पिउटार प्रगेमखौ बाहायनानै लिरनो आरो साफायनो गोनां फोरमान बिलाइनि मावनो गोनां खामानि प्रगेमखौ वर्द प्रसेसिं बुंनाय जायो। कम्पिउटार प्रगेमखौ बेनि थाखाय बाहायनायखोनौ वर्ड सफ्ट्वेर एबा पेकेजेस बुंनाय जायो। वर्ड प्रसेसिं सफ्ट्वेरखौ लाइजाम लिरनाय, मेमो फेक्स आरो बे बायदिनो बायदि रोखोमनि फोरमान बिलाइ लिरनाइ फोरआव बाहायनाय जायो। वर्ड प्रसेसिं सफ्ट्वेरनि गोनांथार आखुथाइ फोरा जादों
1. बाइदि बाइदि महर एबा फ़रमेत बाहायनानै गोदान फोरमान बिलाइ एबा डकुमेन्ट बेखेउनाय।
2. इउननि थाखाय फोरमान बिलाइ सिगां फोरमान बिलाइ एबा डकुमेन्टफोरखौ नाइना लानो हायो।
3. लेखा बिलाइआव साफायना लानो हायो।
4. सुजुनो थाखाय फोरमान बिलाइ एबा डकुमेन्टखौ बेखेउफिननो हायो।
5. फोरमान बिलाइनि रुगुं(Margin)खौ आरो लांदां जायगनि आसखौ थि(set) खालामनो हायो।
6. नकल लिरनाय, जायगा सोलायनाय, सायख’नाय,खोमोरनाय,थिसननाय बायदि बायदि खामानिफोरखौ फोरमान बिलाइनि हांखौ लिरबिअदांफोराव मावफुंनो हायो।
7. हांखोनि गाहायाव आसबोनाय आरो हांखोफोरखौ फेदेरनाय।
8. फोरमान बिलाइआव सावगारी(image) थिसननाय।
9. फोरमान बिलाइनि हांखोफोरखौ सायखनानै एंगारनाय एबा नकल खालामनो गुबुन जायगाआव सिथाबहोनाय।

वर्ड प्रसेसिंनि खाबु(Advantage of Word Processing)
वर्ड प्रसेसिजों जायखिजाया बाहायजाथाव टाइपराइटार मेसिननि बाइदियै लिरफिनाब्लानो सोदोबफोरखौ फोसाबफिननानै लिरनो हायो।
मोननैसो मख’जाथाव वर्ड प्रसेसिं पेकेत

बयबो मिथिनाय वर्ड प्रसेसिं सफ्टवेर फोरनि मोननैसो जेरै--(Some Common Word Processing Packages)

अपेन अफिस
वर्ड स्टार
पारफेक्ट वर्ड
माइक्रसफ्ट वर्ड