 |
 |
1. मेनु, टुलबार आरो आइकनखौ बुजिनाय।
2. फोरमान बिलाइ मोनसेखौ बेखेवनाय, साफायनाय आरो फंजबनाय।
3. हांखोफोरखौ लिरनाय आरो सुजुनाय।
4. हांखोफोरखौ डिजाइन, सजायनाय आरो गोदान दफा लिरनो जायगा दोननाय बायदि खामानि मावफुंना बुंफुतलु बानायनाय।
5. तथ्य एबा फोरमायथिखौ फारिलाइ एबा टेबुल फारिलाइ बानायनाय।
3.2 वर्ड प्रसेसिं गुबै बाथ्रा(Word Processing Basics)
3.2.1 वर्ड प्रसेसिं सफ्टवेर बेखेउनाय(Opening a Word Processing Package)
प्रग्राम मेनुआव थानाय माइक्रसफ्ट वर्ड क्लिक खालामब्लानो वर्ड प्रसेसिं बेखेव जागोन। बिनि आगानफारि फोरा जादों
Start Button----->All Programme----> microsoft Word icon
उइन्ड’ स्क्रीणआव थानाय वर्ड प्रसेसिंखौ सोलोंनाय एबा बुजिनाय--
जेबला वर्डखौ बेखेवगोन अब्ला बिमुं एबा टाइटेल लावथि फारिलाइ एबा फरमेटिं लाउथि आरो आसबोग्रा एबा रुलार लाउथि फ़ोरखौ नुनो मोनगोन।
-- टाइटेल लाउथिआ नोंनि फोरमान बिलाइनि मुंखौ दिन्थिगोन।
-- मेनु लाउथिआ नोंनि फोरमान बिलाइनि खामानि मावफुंनो थाखाय सायख’नो गोनां थिन्नाइ फोर्नि फारिलाइखौ स्क्रीणाव दिन्थिगोन।
-- स्तेनडार टुल लाउथिआव बयआवबो थानाय वर्ड प्रसेसर हाबा फारिनि बुटाम एबा सुइसफोरा थायो जायखौ माउस्जों क्लिक खालामनो हायो।
-- बुंफुतलु एबा फरमेटिम लाउथिआव फोरमान बिलाइनि बुटाम आइजे’ आरो सायखानो गोनां फारि थायो।
-- कि-बर्डनि टेब्सखौ थि खालामनो दफा लिरनो जायगा दोननाय आरो बिलाइनि रुगुंखौ सोलायना आसबोग्रा लाउथि बाहायनाय जायो।
-- स्क्रीणनि गाहायाव थानायखौ स्तेतास लाउथि बुंनाय जायो। स्तेन्डारड लाउथिखौ मोनसे एबा मोननैसो बिफान आव राननाय जायो। स्तेन्डारड लाउथि आरो आसबोग्रा लाउथिनि गेजेराव थायना जायगा बाहागोखोनी टेक्स उइनड’ एबा हांखौ लिरनाय लाउथि बुंजायो। जों लिरनाय गासैबो हांखोफोरखौ टेक्स उइनड’आव नुजायो। हांखौ लिरलांनायनि जोबथा हांखोआव थानाय फिसा लारि लारि आसखौ जोबथा एबा एन्ड सिन बुंजायो। हांखो लिरलांबाय़ थाबला बे एन्ड एबा जोबथा सिनआ दावखोलांबाय थायो आरो हांखो खोमोरनाब्ला उनफिन लाङो।
थोंगोरै मोब्लिबाय थानाय फिसा आसखौ हांखो थिसननाय जायगा बुंनो हायो। बे हांखो थिसननाय जेराव हांखो लिरलांगौ एबा हांखो खोमोरनांगौ बेखौ दिन्थियो। बे हांखो थिसनग्राखौ जायगा सोलायनोब्ला माउस एबा की-बर्डनि बोरला जों सोलायजायो।