5.5. इन्टारनेट कानेकशनि थाखै कम्पिउटारखौ थाख थियारि खालामनाय (Preparing Computer for Internet Access)
5.5.1. आइ एस पि आरो बिसोरनि ब्रडबेण्ड/डाइलअप/वाइफाई:(ISP and examples(Broadband/ Dialup / WiFi))
      आइ एस पि एबा इन्टारनेट साभिर्स प्रभाइडारा सुबुंनो इन्टारनेट कानेकशननि सुबिधाखौ खालामना होयो । आइ एस पि आ सुबुंनो गावहा थानाय सारभारव ई-मैल ठं बो बानायना होनो हागौ । बिब्दि ई-मैल ठं थायोब्ला आइ एस पि नि सारभारजोंनो लायजाम फाथायनो एबा लिरनो हायो ।
      ISP फ्रा माब्लाबा गिदिर गिदिर कम्पानिनि नेतवर्कखौ इन्टारनेटआव सोखना लायो। भारतनि माखासे मखजाथाव आइ एस पि फ्रा जादों, BSNL,SIFY, VSNL, Reliance,Tata ,Airtel बायदिसिना। इन्टारनेट कानेकसननि गोख्रैथि खौ नांगौबादि सुंबुनो आइ एस पि आ होयो। बेफोर जाबाय खम गोख्रैथिनिफ्राइ जोबोर बांसिन गोख्रैथिसिम। बेफ़ोर गोख्रैथिनि मुंफ्रा जाबाय, डाइल अप, डिएसएल, आइ एस डिएन, ब्रडबैन्ड,वाइफाइबायदिसिन।

5.5.2. इन्टारनेट बाहायनायनि बिथोन:
      इन्टारनेटखौ गाहायाव होनाय बादि कानेकशन खालामना लानो हायो जेरै-

डाइल अप(Dial-up):
      आइ एस पि खौ फोन लाइनजों 56k मडेमजों कानेकशन खालामना इन्टारनेट लायोब्ला वेखौ डाइल अप कानेकशन बुंनाय जायो । बेनि गोख्रैथिया नाथाय जोबोर खम ।

डिएसएल(DSL):
      बेयो डिजितेल साबस्क्राइबार लाइन नि सुंद मुं । डाइल अप निख्रुइ बेयो साबासिन बाव । गोख्रैथियाबो इसे गोबां । डिएसएल मडेमजों इन्टारनेट कानेकशन खालामोब्ला आरो फोन आव बाथ्रा राइज्लाजागोन ।

ब्रडबेण्ड वायारलेस:
      बायार गैयालाबानो एबा तार गैयालाबानो आइ एस पि जों गोख्रैथि गोबां गोना इन्टारनेट लायोब्ला बेखौ ब्रडबेण्ड वायारलेस बुंनाय जायो । बेनि गोख्रैथिया 1Mhz आरो 1.5 Mbps जानो हागौ ।