 |
 |
फेबारित मेनु आव माखासे सायख’ना लानाय वेब साइत बिलाइफोरखौ सोख’ना लानो हायो । बेखौनी फेबारित फलदार बुंनाय जायो । इयुनाव गोनां जायोब्ला वेबसाइतनि गासै ठं खौ लिरालाबानो फेबारित फलदारनिफ्राइ सोख’ना लानाय वेब साइतखौ क्लिक खालामबानो जाबाय ।
फेबारित फलदाराव वेब बिलाइ सोखनो गाहायाव होनाय बादि खालामनो हायो ।
1.गिबियावनो फेभारित मेनुखौ क्लिक खालामना एड तु फेभारित (Add to favourite) खौ क्लिक खालामबावनांगौ ।
2.नेम बकस (Name Box) आव वेब साइतनि एड्रेस लिरनाय थागोन बेखौ लाखिनो एबा सोलायना गुबुन मूं लिरनो हागोत ।
3.क्रियेत (Create) बकस आव गुबुन रोखोमै वेब साइतनि एड्रेसखौ लिरख’ना लानो हायो ।
4.बेनिफ्राइ वेक (Ok) सुइस खौ क्लिक खालाम ।
6.4.4. डाउनल’द खलामनाय (Downloading):
दाउनल’ड आ जाबाय इन्टारनेतिनिफ्राइ फाइल बोख’ना गावनि कम्पिउताराव थुबुर खालामना लानाई । इन्टारनेतनिफ्राय जों फाइल, मेथाय, सावथुन, सावगारी गावनि कम्पिउताराव डाउनल’ड खालामना लानो हायो । बे फाइलफ्रा गाहायाव होनाय बादि फर्मेत एबा रोखोमनि जानो हागौ ।
जेरै बाहायनाय फाइल (.exe), जिप फाइल(.zip), वर्ड ड्कुमेन्ट(.doc), माल्टिमेडिया (.wav) बायदिसिना ।
डाउनल’ड खालामनो थाखै इन्टारनेतनि वेब बिलायाव थानाय डाउनल’ड सुइसखौ क्लिक खालामबानो नोंथांनि कम्पिउताराव सेभ खालामनो एबा थुबुर खालामनो सोंगोन । अबला नांगौबादि हार्ड डिस्क एबा पेन ड्राइब एबा फ्लपि डिस्कखौ दिन्थिबानो जाबाय । गाव गावेना डाउनलद जागोन ।
6.4.5.वेब बिलाइनि सापायनाय (Printing web pages):
वेब बिलाइनि हांखो,सावगारी बायदिसिना खौ प्रिन्टार मेसिनाव सापायना लानो गोसो जायोब्ला गोर्लैहै सापायना लानो हायो । बेनि थाखै फाईल मेनुआव थानानै प्रिन्ट (Print) अपसनखौ क्लिक खालामना Ok सुइसखौ क्लिक खालामबानो प्रिन्टाराव सापाय जागोन ।
वेब बिलाइफीरखौ कम्पिउताराव सेभ (Save) एबा थुबुर खालामना डोननो हायो । बेनि थाखै वेब बिलाइनि फाईल मेनु (File menu) आ थांनानै सेभ एस (save as) आव क्लिक खालामनो नांगौ । बेनिफ्राइ फाइलनि मुंखौ गावनि बादि सोस्लायना लानो हायो एबा बेयाव वेवसाइटनि मुडैनो फाइलनि मुङा जाखांता थायो । वके (ok) सुइस आउ क्लिक खालामबानो बे फाइल मुङैनो सेभ जाना थायो।
