मोनसेनिख्रुइ गोबां सुबुंनो एबा ठंफोरनो गांसे लायजामखौनो फाथायनांगोब्ला "To" आव थांनानै इमैलफोरखौ "," कमा होत्रानै सोखबानो जाबाय। जेरै (To johndoe@yahoo.com, abcd@rediffmail.com, xyz@gmail.com )
      Bcc आ जाबाय ब्लाइन्द कार्बन कपिनि सुंद मुं। यदि गांसे लायजामखै गुबुनफोरनोबो हरनानै गुबुनफोरा नकम लाजमाम होन्ना मिथिहोआलाबानो लायजाम फ’थाय नांगौबा Bcc आव ठं फोरखौ सोखनांगौ।
      Cc आ जाबाय कार्बन कपि नि सुंद’ मुं। गांसे लायजामखौ गुबुन फोरनोबो हरनांगोब्ला गासिबो सुबुंफोरोना मोनथि जोबगोनदि बेयो नकल खालामनाय लायजाम। Address Book नि ठं फोरखौ मोनसे ज’थायाव थुबुर खालामना दिन्नो हायो। बे ज’थायखौ मोनसे मुंबो होना लानो हायो। लायजाम लिरनायाव "To" आव एबा "Bcc" एबा "Cc" आव बे ज’थायखौ सोख’योब्ला ज’थायनि सिङाव थानाय गासैबो ठं फोरानो सोख’जागोन। गाहायाव हांनाय बादि बिदिन्थाखौ खालामना बे ज’थायखौ खालामजायो।
Mail Option->Edit Categories.

7.4.4.इमैलजों गुबुन फाइल एबा डकुमेन्ट फ’थायनाय
गुबुननो इमैल एबा लायजाम लिरना फ’थायनांगोब्ला ईमैलजों गुबुन फाइल, डकुमेन्ट, सावगारी, भिदिव बायदिसिना हरफनो हायो। बेखौ attachment बुंनाय जायो।
बिब्दि खालामनो गाहायाव बिदि-था फोरखौ होनाय जाबाय ।
   1.गोदान message लिर एबा गोदान लायजाम लिर ।
   2. Attach बुटामखौ क्लिक खलाम ।
   3.बेनिफ्राइ हरफानांगौ फाइलफोरखौ Browse खालामना दिन्थिना होनांगौ ।
   4. बेनिफ्राइ Attach खौ क्लिक खालामनांगौ ।
माखासे फाइल खौ खेबसेयैनो फ’ठायहरनांगौब्ला बे फाइलखौ गिवियावनो Zip खालामना लांग्रोनांगौ ।
zip खालामब्ला माखासें फाइल आ मोनसे फाइल जाना थुबुर जायो ।