8.0.सिनायथि
      माइक्रसफ्त उइनद’स(MS Windows) आ आरो मेक अ’एस(Mac OS) आ प्रेजेनतेशन नि थाखै माइक्रसफ्त पावार पइन्ट दिहुनजेनदोंमोन। प्रेजेनतेशना मनिटर एबा स्क्रिन आव हाखौं, सावगारी, ग्राफिक्स दिन्थिनाय आगजु। बे प्रेजेनतेशननि दारै मोनफा हाखौं, सावगारी, ग्राफ्रिकस मोनसेनि उनाव मोनसे दिन्थिनाय जायो। जायखौ स्लाइड स’ बो बुंनाय जायो। बेखौ फांलागिरी खामानियाव गावनि दिहुन्नाइ जिरातफोरखौ दिन्थिनो बिदि स्लाइड प्रेजेनतेशननि हेफाजाब लानाय जायो। बेनि अनगायै स्कुल, कलेजफोराव सोलोंसा फोरखौ फोरोंनो बे प्रेजेनतेशन खौ बाहायनाय जायो।
      आवगायनि समफोराव स्लाइड प्रजेकतर जों स्लाइड फोरखौ दिन्थिनाय जादोंमोन। प्लाष्टिक एबा ग्लासजों लिरना लानाय स्लाइडखौ प्रजेक्टरनि सोरांजों मोनसे पर्दायाव दिन्थिनाय जादोंमोन। मोनफा मोनफा स्लाइड खौ स्लाइड प्रजेक्टरआव आखायजों दबथायना दिन्थिनाय जादोंमोन। नाथाय दानिया कम्पिउटारनि प्रजेनतेशनजों बे आवगायनि स्लाइड प्रजेक्टर बाहायनो गोनां जालिया। सफ्टवेर प्रेजेनतेशन आ जोबोर गोरलै आरो गोख्रै जाबाय। जोबोर खम समावनो स्लाइड बानायनो आरो प्रेजेनतेशन दिन्थिनो हाग्रा जाबाय। बे स्लाइड फोराव हांखोनि अनगायै सावगारी, सिनेमा, राव, सोदोब सोख’ना दिन्थिनो हानाय जाबाय। बे प्रेजेनतेसननि फाइल फरमेटआ जादों .ppt, .pot एबा .pps ।

8.1.नोजोर (Objective)
1.प्रेजेनतेशनखौ डिजाइन खालामानाय (Designing of Presentation)
2.क्लिप आर्ट,वर्ड तेबल आरो गुबुन मुवा एबा अबजेकत सोख’नाय (Adding clip arts,word tables and other objects)
3.स्लाइड एसथेटिकस(Slide Asthetics)
4.स्लाइड प्रेजेनतेशन (Slide presentation)
5.एनिमेसन आरो त्रेनजिसन सोख’नाय(Adding Animation and Transitions)
6.स्लाइड दिन्थिनायखौ थाक थियारी खालामनाय । (Presentation of slide show)