২.৩.৩ স্টার্ট মেনু
টাস্ক বারগী ওইথংবা শরুক্তা লৈবা স্টার্ট বত্তনদা ক্লিক তৌবদা মেনু অমা থোরকই। মসিগী মেনু অসিদা মখল -মখাগী থবক কয়া পাংথোকপা য়াবা ওপ্সন কয়ামুক য়াওই।
নহাক্কী কম্প্যুটরদা ইন্স্টোল তৌরবা প্রোগ্রামশিংগী পরেং অমা প্রোগ্রাম ওপ্সনগী মখাদা উবা ফংগনি। স্টার্ট মেনু শিজিন্নদুনা সিস্টেমগী সেট্টিংশিংবু হোংদোকপা য়াই অমদি কম্প্যুটরবু মুথৎপনা চিংবা (সট দাউন) তৌবা য়াই। অতৈ মরুওইবা মসিগী চন্নফমশিংসু মখাদা নৈনগনি।
২.৩.৩.১ দোকুমেন্টশিং শেংদোকপা
দোকুমেন্ট মেনুবু শেংদোক্নবগীদমক মখাগীশিং অসি তৌ-
১. স্টার্ট বট্টনদা ক্লিক তৌ, অদুগা সেট্টিংসতা অমুক পোইন্ট তৌ।
২. তাস্কবারদা ক্লিক তৌ অমদি Start Menu Programs টেবদা ক্লিক তৌ
৩. Documents Menuগী মনুংদা লৈবা ক্লিয়ার দা ক্লিক তৌ।
২.৩.৩.২ শট দাউন
ৱিন্দোজ ২০০০ অসি স্টার্ট মেনুদা লৈবা শট দাউন ওপ্সন অসি শিজিন্নদুনা মুথৎকদবনি। ৱিন্দোজ থাগৎলকপা মতমদা সিষ্টম ফাইলশিং হাংদোকই। মথক্তা হাইখ্রিবা ওপ্সন অসি শিজিন্নদুনা, ৱিন্দোজ ইনভাইরনমেন্টপু থাদোকত্রিঙৈদা হাংদোক্লিবা সিষ্টম ফাইলশিং অদুবু নয়ম চুম্না খুমজিল্লম্মি।
কম্প্যুটরবু শত দাউন তৌবা
স্টার্ট বত্তনদা ক্লিক তৌ অদুগা শট দাউন ওপ্সনদা ক্লিক তৌ, নত্রগা Ctrl+ Alt + Del কীশিং পুন্না নমদুনা শট দাউন ওপ্সন অসি শিজিন্নবা য়াই। দাইলোগ বোক্স অদুদগী শট দাউন খল্লবা মতুংদা OK দা অমুক ক্লিক তৌ। মসিনা মশা মথন্তা মুত্থৎচরিঙৈ মনুং অমসুং মথন্ত মুৎখ্রবা মতুং ঙাইহাক্তংদি অকক্নবা থবক খরা পাংথোকই।
কম্প্যুটরবু রিস্তার্ত তৌবদা চংবশিং-
স্টার্ট বত্তনদা ক্লিক তৌ, শট দাউন ওপ্সনদা ক্লিক তৌ অমদি মদুদগী থোরকপা দাইলোগ বোক্সতা রিস্তার্ট তৌ অদুগা OK দা ক্লিক তৌ।
২.৩.৩.৩. ৱিন্দোজ ২০০০গী ওনলাইন হেল্প শিজিন্নবা-
ৱিন্দোজ হেল্প অসি স্টার্ট মেনুদা লৈ অমদি মসিনা শিজিন্নবদা নুঙাইহল্লি। মখাদা উৎলিবা অসিগুম্না ৱিন্দোজগী পেনেল অনি লৈ। ওইথংবা পেনেল অসিদা হিরমশিংগী পরেং অমা লৈ অদুগা য়েৎথংবগী পেনেলদনা ইন্ফোর্মেসনশিং উৎলি। ওইথংবা পেনেলদা টেব অহুম লৈ মদুদি Contents, Index অমদি Search নি। Content টেব অসিদি মশানা অদুমক উৎতুনা লৈজরে। Index টেব অসিদা হেল্প ফাইল অসিদা য়াওরিবা টর্মশিংগী উৎলি। নহাক্না টর্মশিং অদুবু টাইপ তৌদুনা অমদি Display দা ক্লিক তৌদুনা হেল্প য়েংবা য়াই। করিগুম্বা টর্ম অদু হিরম অমদগী হেনবদা য়াওরবদি হিরমশিং অদুগী পরেং য়াওবা দাইলোগ বোক্স অমা থোক্কনি; হিরম অদু খল্লবা মতুংদা, মদুগী মরমদা য়াওরিবা অদু য়েংনবগীদমক Display দা নম্মু। Search টেবসু Index টেব কা চপ মান্ননা থবক তৌই।
২.৩.৩.৪. ফাইলশিং অমদি ফোলদরশিং থিবা
১. স্টার্ট বত্তনদা ক্লিক তৌ অমদি Find দা মপাদা পোইন্টর অদু পুশিল্লু।
২. Files or Folder দা ক্লিক তৌ।
৩. মমিং ইনবগীদমক পিরিবা Box অদুদা ফাইল মমিংদুমক নত্রগা মদুগী শরুক খরা তাইপ তৌ।
৪. করিগুম্বা নহাক্না ফাইল অদুগী মমিং খংদ্রবা অদুগা থিবগী মওংদু হোংদোক হোংজিন তৌদুনা থিবা পাম্লবদি, Date Modified নত্রগা Advance টেবদা ক্লিক তৌ।
৫. ৱিন্দোজনা কদাইদগী থিবদু হৌগদগে হায়বদু তাক্নবগীদমক Browse দা ক্লিক তৌ।
৬. Find Now দা ক্লিক তৌ।
করিগুম্বা নহাক্না মমিং অদু ময়েক অচৌবনা নত্রগা মচানা ইরবা অদুগা থিবগী মওং অদু Case-sensitive ওইহনবা পাম্লবদি ওপ্সন মেনুদা ক্লিক তৌ অমদি Case Sensitive Box অদু চেক তৌ।