অনৌবা ষ্টার্ট মেনুঃ-

মসিগী অনৌবা ষ্টার্ট মেনু অসি য়েংবদদি XP গী ষ্টার্ট মেনুগা মান্নৈ অদুবু য়ুজরনা শিজিন্নবা নুঙাইনবা কয়া অমদি হাপচিল্লে। হৌজিক্কী ওইনদি ৱিন্দোজগী ষ্টার্ট মেনুদা থিবা নুঙাইনবা মচাক হাপচিল্লক্লে। মসিনা ফাইল অমবু মদুগী keyword নত্রগা ৱাহৈ খরা ইশিল্লগা কদাইদা লৈবগে হায়বদু পুথোকপা য়ারগনি। মসিগী মশানা য়াওজরবা মচাক অসি শিজিন্নরগা picture অমা থিদোকপা, সিষ্টম ফাইল, দোকুমেন্ট নত্রগা অতোপ্পা ফাইল ৱিন্দোজগী ফাইল অমা হেক্তা থিদোকপদা মতেং পাংগনি। ৱিন্দোজনা কম্প্যুটর অদুবু index তৌথোকই অমসুং মরি লৈনবা term অমা, ৱাহৈগী শরুক খরা অমসুং অতৈ পিরকপা মতমদা লাইনা থিদোকই। মসিগী থিবগী মচাক অসিদা নত্তনা Start Menu না XP দা তৌবগুম্না Program ফোলদর অদু নাকন্দা পাকথোকপা তৌহন্দে। সেলেক্ট তৌরবা অমবু মখা তানা নাকন্দা পাকথোকপগী মহুত্তা মফম অদুমক্তদা পাকথোকই। কম্প্যুটরদা, Network তা Link তৌনবা অমদি অতৈ কয়া অমসু য়াওরি।

 

 

 

ৱিন্দোজ এক্সপ্লোরর শিজিন্নবাঃ-

Windows Explorer অসি Start Menu দা য়াওবা Computer হায়বা Link অদুদা ক্লিক তৌরগা উবা ফংগনি। মসিনা কম্প্যুটর অদুগী মনুংদা করি য়াওরিবগে হায়বদু উৎপা ৱিন্দো অমা থোরক্কনি। মসিগী ওইথংবা শরুক্তনা ফোলদরশিং উৎলি অমসুং মসিগী মরুওইবা শরুক্তনা শিজিন্নরিবা দ্রাইভশিং অদু উৎলি।

মশিগী ওই থংবা নাকন্দা লৈরিবা Folder tree অসিনা নহাক্কী কম্প্যুটরদা য়াওরিবা ফোলদরশিং অমদগী অমদা ওন্থোক ওনশিন তৌবা য়াহল্লি। ৱিন্দো অদুগী য়েৎ থংবাগী মথক্তা, ফাইলশিংবু থুনা থিদোক-থিজিন তৌবা য়ানবগীদমক Search য়াওই। অনৌবা Windows Explorer অসিদা Add or Remove Programs, System Property শিং য়েংনবা অমসুং ৱিন্দো অদুগী উবগী মওং অদু হোংদোক্নবা ওপসনশিং য়াওরি।

লনাইগী ওইবা ফাইলশিংদি য়ুজরগী মমিং অদুগী মনুংদা য়াওই। য়ুজর অদুগী মরুওইবা দোকুমেন্ট কয়া য়াওরবা Document ফোলদর অসি হৌজিক কদায়দা লৈবগে হায়বদু পুথোকশিঃ-

১. ফাইল ফোলদরগী মনুংদা য়াওবা য়ুজরগী মমিংদুগী হেক মথংদা লৈবা তেনজৈ অদুদা সেলেক্ট তৌরো।

২. Documents ফোলদরগী হেক মথংদা লৈবা তেনজৈ অদু সেলেক্ট তৌরো।

৩. য়াওরিবা ফাইলশিং অমসুং ফোলদরশিং অদু Preview pane অদুদা উনবগীদমক Documents ফোলদরদা ক্লিক তৌরো।

 

২.৭.২.২ ফাইলশিং বর্ন তৌবা(CD নত্রগা DVD দা ফাইলশিং ইশিনবা)

অনৌবা কম্প্যুটর সিষ্টম অয়াম্বা CD-RW নত্রগা DVD-RW অদুমক য়াওজরক্লে। মসিগী দ্রাইভশিং অসিনা ফাইলশিংবু ইরাই লাইনা CD নত্রগা DVD দা ইশিনবা নত্রগা backup তৌশিনবা য়াহল্লে। Windows Explorer শিজিন্নরগা য়ুজরনা অখন্নবা মফম অমদা লৈবা ফাইলশিংবু দিস্কতা ইশিনবা(Burn তৌবা) য়াই। নহাক্কী মরুওইবা দোকুমেন্টশিং, pictureশিং অমসুং video শিংগী backup disk অমা শাবদা Windows Explorer না ইরাই লাইহল্লি।

১. Windows Explorer গী preview pane দগী মাউসকী ক্লিক অমখক্তংনা ফোলদর অদুবু সেলেক্ট তৌরো।

২. মেনু বারদগী Burn খল্লু।

৩. Disk volume অদুগী মমিং পীয়ু।

৪. মখা তানা অমুক য়াওরিবা ফাইলশিং অদু শেমদোক-শেমজিন তৌবা, ফাইল হাপচিনবা নত্রগা লৌথোকপা পাম্লবদি Live File System খল্লু, অদুগা অমুক খক্তং ইখ্রবা মতুংদা মখা তানা অমুক ইশিনবা য়াদনবগীদমক Mastered খল্লু।

৫. Next তা ক্লিক তৌরো।

৬. দিস্ক দ্রাইভ অদু ফোর্মেট তৌরো।

৭. ফাইলশিং অদু দিস্কতা মথন্তা ইশিনজরক্কনি।

৮. দিস্ক অদু লৌথোক্লো অদুগা মমিং থাজিল্লো।

৯. লোইরে।