কন্ট্রোল পেনেল অসিদা মখল মখা কয়াগী ওপ্সনশিং য়াওরি। মসিনা নহাক্কী কম্প্যুটরগী সেট্টিং কয়া নত্রগা কন্ট্রোল ওপ্সন কয়াবু শেমদোক শেমজিন তৌবা য়াহল্লি। কন্ট্রোল পেনেলগী মনুংদা য়াওরিবা অদুবু উনবগী মওং অনি লৈ। মদুগী মনুংদা অমদি Standard view নি। মসিগী মওং অসিদা মেনু খুদিংমক অদুনা করি করি তৌগদগে হায়বনচিংবগী ৱারোল ই। অতোপ্পা মওং অমদুনা Classic view নি। মসি কৌরিবগী মরমদি হান্নগী ৱিন্দোজগী ভর্জনশিংদা মসিগী মওং অসি শিজিন্নৈ। ক্লাসিক ভিয়ু অসিদি ইচম চম্বা, control panel extensionশিং অদুগী সোর্টকট য়াওবা ফোলদর অমগা মান্নৈ। মসিনা নহাক্না অপাম্বা ওপ্সন অমা দবল ক্লিক তৌদুনা হাংদক্কনি অমসুং শেমদোক-শেমজিন তৌগনি। ক্লাসিক ভিয়ু অসিসু নহাক্কী অপাম্বগী মতুং ইন্না মথং মনাও নাইনা শিন্দোকপা, কাংলুপ নাইনা খায়দোকপা অমসুং বট্টনশিংগী মওং হোংদোকপা য়াই।

কন্ট্রোল পেনেল অদু উনবগীদমক, ষ্টার্ট মেনু হাংদোক্লো অদুগা য়েৎথংবা শরুক্তা লৈবা Control Panel হায়না ইবা control panel গী link অদুদা ক্লিক তৌরো। কন্ট্রোল পেনেলবু হাংদোক্নবা অতোপ্পা মওং অমদি Control Panel গী মখাদা লৈবা Search bar দা Control হায়না তাইপ তৌবনি। নহাক্না মসি কমাণ্ড প্রোম্পতা control হায়বসি তাইপ তৌরগসু উবা ফংগনি। কন্ট্রোল পেনেলগী শরুকশিং অদু অখন্নবা কমাণ্ড খরা পীরগা পুথোকপা য়াই। খুদম ওইনা control keyboard হায়না পীরগা কন্ট্রোল পেনেলদা য়াওরিবা কীবোর্ড applet অদু পুথোকপা য়াগনি।

কন্ট্রোল পেনেলদা য়াওরিবা মেনুশিংদি System and Maintenance, User Accounts, Security Appearance and personalization, Network and Internet, Clock, Language and Region, Hardware and Sound, Ease of Access, Programs and Additional Options নি। নহাক্না Vista গী অনৌবা খরসু উবা ফংগনি। খুদম ওইনা নহাক্না মেনুশিংদা চংলুবা মতমদা breadcrumb navigation গী মওংশিং উগনি। করিগুম্বা নহাক্না level অমা অমুক হন্দোক্নিংবা তারবসু Back বট্টনদা নত্রগা breadcrumb navigation দা য়াওরিবা হান্নগী item শিং অদুদা ক্লিক তৌরগা উবা ফংগনি।