১শুবা পন্দুপ - কম্প্যুটরগী মরমদা
১ শুবা পন্দুপ : কম্প্যুটরগী মরমদা
১.০ ৱাহৌদোক
১.১ পান্দমশিং
১.২ কম্প্যুটর হায়বসি করিনো?
১.২.১ কম্প্যুটর সিষ্টম অমগী মগুনশিং
১.২.২ কম্প্যুটরগী ইচম-চম্বা শিজিন্নফমশিং
১.৩ কম্প্যুটরগী মচাকশিং
১.৩.১ সেন্ট্রেল প্রোসেসিং য়ুনিট (Central Processing Unit)
১.৩.২ কীবোর্ড, মাউস অমসুং VDU
১.৩.৩ অতৈ ইনপুট ডিভাইশিং
১.৩.৪ অতৈ আউতপুট দিভাইশিং
১.৩.৫ কম্প্যুটরগী মেমোরী
১.৪ হার্ডৱাইর অমসুং সোফ্টৱাইরগী ৱাখল্লোন
১.৪.১ হার্ডৱাইর
১.৪.২ সোফ্টৱাইর
১.৪.৩ প্রোগ্রাম্মিং লেঙ্গুএজশিং
১.৫ কম্প্যুটরগী মখলশিং
১.৫.১ ডিজিটেল কম্প্যুটর
১.৫.২ এনালোগ কম্প্যুটর
১.৫.৩ হাইব্রিদ কম্প্যুটর
১.৬ দাতা/ইনফোরমেসন হাপচিনবগী মওং
১.৭ দাতা প্রোসেসিংগী ৱাখল্লোন
১.৮ শম্লপ্পা ৱারোল
১.৯ পাউখুমশিং
১.০ ৱাহৌদোক
কম্প্যুটর হায়বসি মখল কয়াদা শিজিন্নবা, হাইবদি চিঠী ইবদগী হৌরগা ট্রেন টিকেট কক্পা ফাওবদা শিজিন্নবা য়ারবা ইলেক্টোনিক ডিভাইস্ অমনি। কম্প্যুটর অমগী মচাক কয়ামরুম লৈ। খুদম ওইনা হায়রবদা - কীবোর্ড, মাউস, প্রোসেসর, মেমোরি, মোনিটর অমসুং প্রিন্টর অসিনচিংবনি। কম্প্যুটরনা থবক অমা তৌনবগীদমক ইন্ষ্ট্রকসন কয়া চংই। মথং মনাও নাইবা ইন্ষ্ট্রকসনশিংবু ইশম-শম্না "প্রোগ্রাম" হাইনা খঙনৈ। "হার্ডৱাইর" অমসুং "সোফ্টৱাইর" হায়বসি কম্প্যুটরগা মরি লৈননা য়াম্না তোইনা শিজিন্নবা টর্মশিংনি। CPU, মেমোরী অমসুং অতৈ পেরিফরেল দিভাইসশিং (peripheral devices) (ইনপুট অমদি আউতপুট দিভাইসশিং) অসিবু হার্ডৱাইর হাইনা খঙনৈ, অমরোমদা কম্পাইলর, ইন্টরপ্রীটর অমসুং ওপরেটিং সিসটেম অসিবুনা সোফ্টৱাইর কৌই। কম্প্যুটরশিংবু মখল কয়া থোক্না খায়দোকপা য়াই। খুদম ওইনা -সুপর কম্প্যুটর, মেনফ্রেম, মিনিকম্পুটর অমসুং মাইক্রো নত্রগা পার্সনেল কম্প্যুটর (PC) নি। কোর্স অসিদা ঐখোইনা পার্সনেল কম্প্যুটরগী মরমদা নৈনগনি।
১.১ পান্দমশিং
পন্দুপ অসি নৈনরবা মতুংদা, নহাক্না তৌবা ঙমগদবশিং ঃ-
- কম্প্যুটরগী মগুনশিংগী লিষ্ট অমা শেম্বা,
- কম্প্যুটরগী মচাকশিং শন্দোক্না তাক্পা,
- কম্প্যুচরগী মখলশিং,
- হার্ডৱাইর অমসুং সোফ্টৱাইরবু তোঙান-তোঙান্না খন্দোকপা
১.২ কম্প্যুটর হায়বসি করিনো?
কম্প্যুটর (Computer) হায়বা ৱাহৈ অসি "কম্প্যুট (Compute)" হায়বসিদগী লাকপনি। কম্প্যুট হায়বসিগী আর্থনা অঙ্ক হোৎপা (calculation) হায়বনি। কম্প্যুটর অসি calculation তৌনবগীদমক শিজিন্নবা দিভাইসনি হায়বা য়াই। হৌজিকী মতমদদি কম্প্যুতর অসি computation খক্তদা অকক্ননা শিজিন্নদ্রে। অতোপা হিরম কয়ামুক হায়বদি phone তৌবা, databases মেন্টেন তৌবা, ইশৈ তাবা, সিনেমা/দ্রামা য়েংবা, অসিনচিংবা কয়াদসু শিজিন্নরে। মরম অদুনা কম্প্যুটরগী চৎনবা য়াবা দিফিনিসন হাইবা তারগদিঃ- কম্প্যুটর হায়বসি - মাংজৌননা মথং মনাও কাইদনা শেমদোক্লবা ইন্ষ্ট্রকসন কয়াবু পাংথোক্তুনা, দাতাশিংবু কান্নরবা ইনফোর্মেসনশিংদা ওন্থোকপা নত্রগা প্রোসেস তৌথোকপা ইলেক্ট্রোনিক দিভাইসনি।
ফিগর ১ দা কম্প্যুটর অমগী basic organization উৎলি। মসিনা বেসিক ফংসন মরিখক পাংথোক্লি।
ইনপুট - কম্প্যুটরনা computation তৌনবগীদমক ইউজরদগী দাতা চংলকপা মথৌ তাই। দাতাশিং অদুবু ইনপুট দিভাইসশিং খুদম ওইনা - কীবোর্ড, মাউসনচিংবগী মতেংনা চংই।
প্রোসেসিং ইউনিট - কম্প্যুটরনা প্রোগ্রাম হায়না খঙনবা ইন্ষ্ট্রক্সনশিংগী চবুল অমগী মতুং ইন্না দাতাশিংবু প্রোসেস তৌই।
আউতপুট - কম্প্যুটরনা প্রোসেস তৌরবা ইনফোরমেসনশিং অদু অমুক ইউজরনা লৌশিনবা ঙম্বা মওংদা পীথোরকই। ইনফোরমেসনশিং অসি আউতপুট দিভাইসিং হায়বদিঃ মোনিটর, প্রিন্টরনচিংবগী মতেংনা স্ক্রীনদা উত্থোরকপা নত্রগা চেদা নমথোরকপনচিংবা তৌই।
মেমোরি - কম্প্যুটরনা দাতাশিংবু তুংগী শিজিন্ননবগীদমকতা তুংশিন্দুনা থম্মী।
ফিগর ১: কম্প্যুটর
১.২.১ কম্প্যুটর সিষ্টম অমগী মগুনশিং
থুবা (Speed) - থবক অমবু ঐখোয়গী খুৎনা শুবদগীদি কম্প্যুটর অমনা য়াম্না হেন্না থুনা শুবা ঙম্মী। খুদম ওইনা অঙ্ক অমা হোৎপদা, কম্প্যুটরনা ঐখোয়দগীদি থুবগী চাং য়াম্না হেল্লী। অসুম্না কম্প্যুটরনা থবক তৌবদা য়াম্না থুবা অসিনা, অঙ্ক নত্রগা ফিসিক্সকী য়াম্না চাউরবা অমদি লুরবা অঙ্ক কয়া হোৎপদা মতেং পাংই। সেন্ট্রেল প্রোসেসর ইউনিট (Central Processor Unit) হায়বা অসিনা প্রোব্লেম অমবু সোল্ভ তৌনবগীদমক ইন্ষ্ট্রকসন কয়া পাংথোকই। মসিনা সেকেন্দ অমগী মনুংদা ইন্স্ট্রকসন বিলিয়ন অমা হেন্না পাংথোকপ ঙম্মী। হৌজিক হৌজিক্কী ওইনা মমিং লৈবা CPU দি পেন্টিয়ম-৪ (Pentium 4) নি। মসিনা ২.২GHz (থুবগী চাং) চাংদা থবক তৌবা ঙম্মী। মসিনা তাকপদি ইচম চম্বা ইন্ষ্ট্রক্সন (তিনশিন্নবাগুম্বা) অমা 1/2.2*109 সেকেন্দ হায়বদি 0.45*109 সেকেন্দ নত্রগা 0.45 নেনোসেকেন্দ অমগী মনুংদা পাংথোকই।
চুম্বা অমদি থাজনিঙাই ওইবা (Accuracy and consistency) - কম্প্যুটরনা প্রোসেসিং তৌবা মতমদা কৈদৌনুংদসু অশোইবা য়াওহনদে। মসিনা করিগুম্বা মতমদা অরানবা ফল তাহনবদি য়াউই অদুবু মদু অয়াম্বা মতমদা মীনা থোকহনবা হায়বদি থবক তৌবগী মওংদা লানবা, প্রোগ্রামদা লানবা নত্রগা পীশিল্লিবা ইনপুটতা লানবনা ওইগল্লী। মসি মতম চুপ্পদা থাজনিঙাই ওই হায়বদি মতম চুপ্পদা চপ মান্নবা দাতাদগী চপ মান্নবা ফল ফংই।
চোকথবা নাইদবা (Diligence) - কম্প্যুটরনা থবক অমবু চোকথবা, তন্থবা অমদি লৈথোকপা তৌদনা, হঞ্জিন হঞ্জিন্না পাংথোকপা ঙম্মী। মসিনা মরম ওইদুনা অৱাবা য়াওদনা অমদি অশোয়বা অরানবা য়াওদনা, পুং কয়া চুপ্না থবক শুবা ঙম্মী।
তুংশিন্দুনা থম্বা ঙম্বা (Storage Capacity) - কম্প্যুটরনা য়াম্লবা ইন্ফোর্মেসন কয়া তুংশিন্দুনা থম্বা ঙম্মী। খুদম ওইনা হায়রবদা - মখোয়না ইনসাইক্লোপেদিয়া কয়া তুংশিন্দুনা থম্বা ঙম্মী। মসিদসু নত্তনা ইন্ফোর্মেসন অমগী শরুক খুদিংমক অপাম্বা মতমদা অমদি পাম্লিবা মখৈ লৌথোকপা য়াই।
ৱাখল খনবা ঙমদবা (Inability to think) - কম্প্যুটর হায়বসি মীওইবগুম্না মশা মথন্তা ৱাখল খনবা নত্রগা মরোমদোম থবক তৌবা ঙমজদে। অপাম্বা ফলদু ফংনবগীদমক দরকার লৈবা ইন্ষ্ট্রক্সন অদু পীবা চংই।
পুক্নিংগী ইহুল লৈতবা (Inability to emote) - কম্প্যুটর হায়বসি মেছিন ওইবনা পুক্নিংগী ইহুল হায়বদি হরাওবা, নুঙাইতবা কপ্নিংবা, পেন্দবা, নুংশিবা, হৈনদবা লৈতে। মরম অদুনা পুক্নিংগী ইহুল য়াওদনা থবক নিংথিনা তৌবা ঙম্মী।
মথক্তা পনখ্রিবশিং অসি য়েংউরগা, ঐখোয়না হায়বা য়াই মদুদি - কম্প্যুটর অসি অতোপ্পা মেছিনশিংদগী তোপ তোপ্পী। থবক অমবু তৌনবগী নিয়ম অমদি ফোরমুলাশিং অদুবু নিংথিনা পীবীরবদি থবক খুদিংমক তৌবা ঙম্মী।
১.২.২ কম্প্যুটরগী ইচম-চম্বা শিজিন্নফমশিং
কম্পুটর হায়বসিনা ইদষ্ট্রী, লৈঙাক-সাসন, মহৈ-মশিং, অনা-লায়েং, হিদাক-লাংথক, আইন, সামাজ বীগ্যান অমদি ইশৈ-নোংমাই লোইননা লাই-য়েকপা ফাওবদা অচৌবা অহোংবা অমা পুরক্লে। করম্না শিজিন্নবগে হায়বদু মখাদা শন্দোক্না তাক্লিঃ-
মহৈ-মশিং (Education)
কম্প্যুটর অসি মহৈ-মশিংগী থাক খুদিংমক্তা, তম্বা অমদি তম্বীনবগীদমক্তা নুঙাইরবা পাম্বৈ ওইনা শিজিন্নবগী চাং অসুম হেনগৎলক্লি। কম্প্যুটর দাতা ব্যেঙ্কশিংনা পিরিবা ইনফোরমেসনগী চাংগী মতুং ইন্না হিরম খুদিংমক্তা তম্বগী মওং অসি হেন্না নুঙাইবা ওইহনবা য়রে। কম্প্যুটরনা য়াম্না লুরবা অমদি শাংলবা অঙ্ক কয়া য়াম্না থুনা হোৎতুনা লৌশিংগী পুকৈবু য়াম্না থুনা পাকথোক চাউথোকহনবা য়ারে। মল্টিমেদিয়া অমদি এনিমেসনশিংবু লুর-লুরবা হিরমশিং লাইথোক্না তম্বীনবগীদমক শিজিন্নরি। কম্প্যুটরগী খুথাংদা তম্বা হাইবসি য়াম্না লাইবা অমদি নুঙাইবা পাম্বৈনি। মসিদা নত্তনা কম্প্যুটর অসি ইদষ্ট্রীদা, ললোল-ইতিক অমদি শেল থুমগী হিরম কয়াবু তম্বীনবা পাম্বৈ অমা ওইনা শিজিন্নরি। লোইননা, কম্প্যুটর শিজিন্নবা তম্বীবা, কম্প্যুটর পেক্কেজ অমবু শিজিন্নবা তম্বীবদসু চাউনা মতেং পাংলি।
লাইব্রেরি অমসুং ম্যুজিয়ম (Library and Museum)
হৌজিক্কী মতমদা লাইব্রেরি ওরগানাইজেসনশিংগী থবক অয়াম্বা কম্প্যুটরনা তৌরি। ৱাইখিবা লাইরিকশিংগী লিষ্ট অদু সিষ্টেম অদুনা শেম্মী অমদি ৱাইখিবশিং নত্রগা মতম হেল্লবশিং অদুবু নিংশিংহল্লক্নবগীদমক রিপোর্ট কয়া কম্প্যুটরনা পুথোকহনবা য়াই। লাইরিক লৌখিবশিংগী মশিংসু নিয়ম চুম্না হাপচিন্দুনা থম্বা য়াই। ম্যুজিয়মশিংদশু কেটালোগিঙ (ম্যুসিয়মদা লৈবা পোৎশিংগী মীং ইশিনবা অমসুং ইন্দেক্সিং (পোৎশিংগী মমিং মথং মনাও কাইদনা শিন্দোকপা অমদি লৈফম খংদোকপা)গী মতমদা কম্প্যুটর অসি শিজিন্নৈ। মীয়ামদা উৎকদবা ম্যুজিয়ম অদুগী মচাক মরনগী ইনফোরমেসন কয়া চাউরবা দাতাবেজ অমদা হাপচিন্দুনা থম্মী অমসুং কম্প্যুটরনা মদুবু ইরাই লােইনা থিদোক থিজিন তৌবা ঙম্মী। ম্যুজিয়ম অদুদা থবক তৌরিবা মী নত্রগা য়েংবা লাকপা মীশিংনা হায়রিবা খুদোংচাবা অসি লৌদুনা শিজিন্নৈ।
সাইন্টিফিক রিসর্ছ (Scientific Research)
হৌজিক্কী মতমদা কম্প্যুটর হায়বসি ইউনিভর্সিটি অমসুং ইদ্রষ্ট্রিয়ল লেবোরেতরীশিগী পুন্সিদা চংদ্রবা য়াদ্রবা মচাক অমা ওইরে। ঐখোয়না খঙই মদুদি পৃথিবী পুম্বা শম্নরিবা নেটৱর্ক (ইনটরনেত) না ইউনিভর্সিটি কয়াবু সান্টিফিক্কী অনৌবা পুথোকপা কয়াগা শম্নহল্লী। ইকুই-কুইদনা, অঙ্কগী শরুক ইয়াও য়াওদবা সান্টিফিক রিসর্ছশিং হায়বদি হিদাক-লাংথক, সমাজ বিগ্যান অমদি মীওইবগী গুনফাওবা থিজিন হুমজিনবগী থবক্তা শিজিন্নবগী চাং হেনগৎলক্লি। কম্প্যুটর লৈরকপনা ইঞ্জিনিয়ারিং অমদি বিগ্যানগী হিরম অয়াম্বদা কান্নবা ফংহল্লে।
ললোক ইতিক্কী লমদা শিজিন্নবা (Business Application)
বিগ্যানগী নত্তবা ইহান হানবা কম্প্যুটর শিজিন্নখিবশি ক্লর্ককী থবক্তনি। ১৯৫০-১৯৫৯গী ময়াইৱাইদগী ললোল-ইতিক অমসুং শেল-থুমগী লমদা কম্প্যুটর শিজিন্নবা হৌখি। হৌজিক্তি টেক্নোলোজি অসিগী খোংজেল অসি য়াম্না থুগৎলে অমদি ময়াই ওইরপ চাউবদগী হৌরগা চাউর-চাউরবা কম্পনি কয়া মখোয়গী ঙাক শেনবগী থবক পুম্নমক কম্প্যুটরগী মখা অয়াম্বনা পোল্লে। পার্সনেল কম্প্যুটর অমসুং ইন্টর্নেট হায়বসিনা অপিকপা হিরম কয়া ফাওবদা অওনবা পুরকহল্লে। পেরোল অকাউনতিং(Payroll accounting), ইম্প্লোই মেনেজমেন্ট সিষ্টম (Employee management systems), মেটরিয়ল মেনেজমেন্ট(Material management) অমদি হৌজিক মতমগী ইঃ আরঃ পিঃ (ERP) নচিংব অসি ললোল-ইতিক্কী লমদা শিজিন্নবা এপ্লিকেসন(applications) শিংনি।
কম্প্যুটরনা ললোল-ইতিক্কী লমদা মতেং পাংলিবা হিরমশিংদি ষ্টোক কন্ট্রোল (Stock control), সেল্স ওর্দরশিং প্রোসেস তৌবা (Processing of sales orders) অমসুং সেল্স অকাউনতিং (Sales accounting), সেল্স অনালাইসিস (Sales analysis), মার্কেট রিসর্ছ (Market research), ফোরকাষ্টিং অমসুং সবসিক্বেন্ট প্রদক্সন প্লান্নিং (Forecasting and subsequent production planning) নি। মথক্তা পিখ্রীবা হিরমশিং অসিদা কম্প্যুটরনা দরকার লৈবা ইনফোর্মেসনশিং অথুবা মতমদা পিদুনা কান্নবা ফংহল্লি।
ওফিস ওটোমেসন (Office Automation)
অহানবদদি কম্প্যুটরনা তৌবা য়াবা ওফিসকি থবক অসি ক্লর্ক অমগী থবক অমদি নুমিৎ খুদিংগী হঞ্জিন হঞ্জিন্না তৌদ্রবা য়াদ্রবা থবকশিং খক্তনি হায়না লৌনরম্মী। অশেংবমক্তি, ললোল-ইতিক্কী সংসারদগীদি টেক্নোলোজি অমদি সাইন্স ওফ কম্পুতিংনা হেন্না য়াংনা চাওখৎলি।
ওফিস ওটোমেসন হায়বসি শম্না হায়বা তারবদি হৌজিক মতমগী তৌরিবা ওফিসকী থবশিংদা হৌজিক মতমগী লৈরিবা টেক্নোলোজি শিজিন্নববুনি। হান্না লৈরমদবদগী তাইপরাইতর অমদি অনৌবা মেছিন কয়া হাপচিল্লপা অসিসু হান্নগী যুগদগী ওফিস ওতোমেসন তৌরকপগী খুদম অমনি। ঙসিদি ওফিস ওটোমেসন অসিদদি ৱার্ড প্রোসেসরশিং, পার্সোনেল কম্প্যুটরশিং, ৱার্কষ্টেসনশিং, টর্মিনলশিং, পেরিফেরল ইক্বুইপমেন্ট কায়া, নেটৱার্কশিং অমসুং FAX সিষ্টমশিং শিজিন্নরে। মশিগী মনুং চনবশিংদি দোকুমেন্ট শেম-শাবা(document preparation), দেক্সটোপ পব্লিসিং (desktop publishing), ইলেক্ট্রোনিক মেল (electronic mail), দোকুমেন্টশিং থমজিনবা অমদি অমুক লৌথোকপা (document storage and retrieval), দাতা অমসুং ভোইস কম্মুনিকেসন(data and voice communication), বিসিনেস পেক্কেজেস (business packages) অমসুং ইনফোরমেসন মেনেজমেন্ট (information management) নি।
ৱার্ড প্রোসেসিং (Word Processing)
চৎনবা য়াবা অমদি হেন্না মগুন লৈবা চিঠি নত্রগা দোকুমেন্ট ওইনবগীদমক হঞ্জিন-হঞ্জিন্না য়েংবা দরকার লৈবা রিপোর্টশিং শানবগীদমক ৱার্ড প্রোসেসরশিং অসি মরুওইনা শিজিন্নৈ। সোফ্টৱাইর অসিনা ৱাহৈ, ৱাহৈপরেং নত্রগা পেরাগ্রাফশিং মুথৎপা নত্রগা হাপচিনবা অমদি মদুবু দ্রাফ্ট ওইনা নত্রগা অরোইবা ওইনা মশিং কয়া, তেল্লবা মতমগী মনুংদা নমথোকপা য়াহল্লি। অমুক হন্নকা কয়ারক শেমদোকখিগনি খংদ্রবসু ময়েকশিং অদু লোইনমক ইথোকপা য়াই, মদুবু ইনিসিয়ল দ্রাফ্ট কৌই। অখন্ননা শিজিন্ননবা এপ্লিকেসন অতৈসু সিষ্টম অদুদা হাপ্লকপা য়াই, খুদম ওইনা হায়রবদা - হান্ননা লৈরবা এদ্রেস লিষ্ট অমবু হাপচিনবা, অকক্নবা দোকুমেন্টকী শরুক খরবু কোটেসন (quotation) গীদমক খন্দোকপা, পর্চেস ওরদর অমদি ইনভোইস শাবা অমদি য়াম কান্নরবা দিক্স্নারি পেক্কেজশিংবু অরানবশিং পুথোক্নবা অমদি চুমথোক্নবা হাপ্পা অসিনি।
দেস্কতোপ পব্লিশিং (Desktop Publishing )
ওফিস ওতোমেসন হায়বসিগী লমদা দেক্সতোপ পাব্লিশিং হায়বসিনা খ্বাইদগী অচৌবা ওইরি। দেক্সতোপ পব্লিশিং হায়বশিগী আর্থদি ওফিসতা হেক্ চংলিবা, পুথোক্লিবা অমদি শিজিন্নরিবা ইবা, পাবা অমদি য়েংবা য়াবা খুদিংমক কম্পুটরগী মতেং লৌদুনা করিগুম্বা উপায় অমা তৌদুনা হেক পাম্লকপা মিত্কুপ্তা পুথোকপা য়ানবা মওংদা কম্পুটরগী মনুংদা থম্বদুবু দেক্সতোপ পব্লিশিং কৌই |
দেক্সতোপ পব্লিশিং হায়বসিদা মচাক অহুম চংই মদুদি - কম্প্যুটর, পেজ দিসাইনিং সোফ্টৱাইর অমদি প্রিন্টরনি। সোফ্টৱাইর অদুদা ময়েক্কী মশক অমদি অচৌ-পিশক শেম্বা, ময়েক্কী জস্টিফিকেসন শেম্বা, ময়েক মরক্তা গ্রাফিক্স হাপচিনবা অমদি পেজগী লেআউত ষ্টেজ ফাওবদা শেমদোক শেমজিন তৌবা ঙম্বা শক্তি লৈরবা ইদিতিং ফিচর কয়া য়াওরি। পেজগী শরুক খরবু চাউথোকহন্দুনা উহনবা ঙম্মী। ময়াম্না য়াম্না তোইনা শিজিন্নবা DTP পেক্কেজশিংদি - কোরেল দ্রো(Corel Draw), ভেনচুরা(Ventura), পেজমেকর(PageMaker) অসিনচিংবনি।
বেঙ্কিং (Banking)
কম্প্যুটিং হায়বসিদা খ্বাইদগী চাউনা শেল থাদবা ওরগানাজেসনশিংদি বেঙ্কশিং ওইরম্মী লোইননা ঙসিদি বেঙ্কিং হায়বসি মপুংফানা কম্প্যুটরগী মখাপোল্লে। কষ্টমর ষ্টেটমেন্ট অমা কম্প্যুটর কন্ট্রোলগী মখাদা শেম্বা শাবা অমদি নমথোকপগী থবক অসি অখন্ননা শেম-শারবা ষ্টেসনরি অমদা পাংথোকই। ওটোমেতিক তেল্লর মেছিন(Automatic Teller Machine(ATM)), ইন্টর্নেট বেঙ্কিং(Internet banking), ফোন বেঙ্কিং(Phone banking) লৈরকপনা কষ্টমরশিংনা বেঙ্কশিংগা ই-পাউ ফাওদোক-ফাওজিন্দা অমসুং শেল লৌথোকপা-হাপচিনবদা হেন্না নুঙাইহল্লে।
রিসর্ভেসন সিষ্টম (Reservation Systems)
কম্প্যুটরাইজ সিট রিসার্ভেসনা কষ্টমরশিং অমসুং এয়রলাইনশিং অমদি রেলৱেশিংদা কান্নবা ফংহল্লে। ট্রাভেল এজেন্টশিং, হোতেলগী কা, থিয়তরগী সিত, অচৌবা ষ্টেদিয়মদা পাংথোকপা শান্ন-খোৎনবনচিংবা কয়াগী রিসরভেসন তৌবদা কম্প্যুটরনা কন্ট্রোল তৌরবা রিসার্ভেসন সিষ্টমশিং অসি শিজিন্নৈ।
এয়র ট্রাফিক কন্ট্রোল (Air traffic Control )
মশিং য়াম্লবা এয়রলাইনশিংগী চৎথোক-চৎশিন তৌবদা খুদোং-চানবগীদমক এয়র ট্রাফিক কন্ট্রোল হায়বা অসি শিজিন্নৈ। অদুবু হায়রিবা এয়র ট্রাফিক কন্ট্রোল হায়বা অসি কম্প্যুটরগী মখা-য়াম্না পোল্লি। পাইবগী খোংজেল হেনগৎলকপগী মতুং ইন্না, য়াম্না থুনা কন্ট্রোল তৌদবা য়ারক্তে। মসি ট্রাফিক কন্টোলনা পিরিবা ইন্ষ্ট্রকসন অদু খক্তা নত্তনা পাইলোৎ অদুগী মখাসু য়াম্না পোল্লি লোইন্না লৈরিবা ফিভম(এটমোসফিয়রিক প্রেসর, নুংশিৎকী খোংজেল অমসুং মাইকৈ) অদুগী মখাসু পোল্লি।
ফ্লাইট সিমুলেসন (Flight Simulation)
পাইলোৎশিংবু তম্বিবা মতমদা এয়রক্রাফট শিজিন্নবা খক্তা নত্তনা, কম্পুটরবু মদুগী চাউরবা থৌদাং লৌহনবগী চাং হেনগৎলক্লি। ফ্লাইট সিমুলেটরনা ফ্লাইট দেক অদুগা চপ মান্নবা অমদি এয়রক্রাফট পাইবগী মওংদুমক উহল্লি অমদি লৈমাইদা লৈরগা, পুং কয়া চুপ্না এয়রক্রাইফ অমদা পাইদুনা চত্পগা মান্ননা ফাওহনবা ঙম্মী।
১.৩ কম্প্যুটর সিষ্টমগী মচাকশিং
কম্প্যুটর সিষ্টম হায়বসি মচাক কয়ামরুম্না পুশিল্লগা শাবনি। মখোয়শিং অদুদি ইনপুট দিভাইসশিং, আওতপুট দিভাইসশিং, মেমোরিগী মওং কয়া অমা অমদি সেন্ট্রেল প্রোসেসিং ইউনিটনি। ফিগর ২ দা কম্প্যুটর সিষ্টমগী তোঙান তোঙানবা মচাকশিংদু উৎলি -
ফিগর ২:কম্প্যুটর সিষ্টমগী মচাকশিং
১.৩.১ সেন্ট্রেল প্রোসেসিং ইউনিট (CPU)
অশেংবা প্রোসেসিংগী থবক
তৌরিবা মফমদি সেন্ট্রল প্রোসেসি ইউনিৎ (central processing unit (CPU)) হাবসিদনি। মফম অসিদা কালকুলেসনশিং (calculations)
অমদি লোজিকেল ফঙ্কসনশিং(logical functions) পাংথোকই। CPU না মেন
মেমোরিদগী দাতা অমসুং ইন্ষ্ট্রকসনশিং লৌথোকই, দাতাশিংদুবু ইন্ষ্ট্রকসনদুগী
মতুংইন্না প্রোসেস তৌই অমদি মদুগী ফল অদু অমুক হন্না মেন মেমোরিদা হাপচিল্লি
নত্রগী প্রোসেস তৌরবা ইনফোরমেসন অদু আউতপুট সব-সিষ্টমদা থাদোরকই। চাউরাক্না য়েংবদা
সেন্ট্রেল প্রোসেসিং ইউনিট অমবু শরুক অহুম থোক্না উবা য়াই। কন্ট্রোল ইউনিটনা
কম্প্যুটরগী থবক থৌরম খুদিংবু ঙাক-শেনবা, য়েংশিবগী থবক তৌই। অঙ্কগী অমসুং লোজিক
ওপরেসনশিংনা এরিঠমেটিক লোজিক ইউনিৎনা পাংথোকই। CPU দা দাতা নত্রগা ইন্ষ্ট্রৃক্সনশিংবু রেজিষ্টরনা ঙাইহাক্কী ওইনা তুংশিন্দুনা
থম্নবগীদক রেজিষ্টর সিজিন্নৈ। 
মসি খঙজিনবদা কান্নবা ৱাফমনি মদুদি মেন মেমোরিদগী লাকপা ইন্ট্রক্সনশিংনা সেন্ট্রেল প্রোসেসরবু কন্ট্রোল তৌই। পিরক্লিবা থবক অদুবু পাংথোকপা লোইদ্রিবা ফাওবা CPU না ইন্ষ্ট্রক্সনশিং অদুবু অম্মমতা ওইনা লৌখৎলি অমদি মদুবু পাংথোকই। ইন্ষ্ট্রক্সনশিং অদুনা CPU দা করি তৌগদবনো হায়বদু (তিনশিল্লু, য়েন্নৌ, থাংদোকউ নত্রগা চাংদমনৌ হায়বনচিংবা) তাকই লোইননা প্রোসেস তৌগদবা দাতা অদু কদাইদগী লৌগদবনো হায়বদুসু তাকই।
CPU, মেমোরি অমদি অতৈ মচাকশিংদুবু মাদর্বোর্ড(Motherboard)তা য়াওবা বস(bus)শিংনা শম্নহল্লি অমদি মখোয় পুম্নমক্তুবু সিষ্টম ইউনিৎ নত্রগা কেবিনেট অমগী মনুংদা পুন্না হাপচিল্লি। বসনা কম্প্যুটরগী মচাকশিং অদুবু অমদগী অমদা ইনফোর্মেসন থাদোক থাজিন য়ানবগীদমক অমগা অমগা শমজিন্নৈ। অসুম্না, বস অসি ইলেক্ট্রিক সিগ্নেল পুদুনা চত্পা "হাইৱে" অমগুম্বনি। খুদম ওইনা হায়রবদা CPU না মেন মেমোরিদগী ইন্ষ্ট্রক্সন লৌবা মতমদা, ইন্ষ্ট্রক্সন অদুবু মহুৎ শিল্লিবা ইলেক্ট্রিক সিগ্নেল অদু মেন মেমোরিদা শম্বা বসতা চৎলি। কম্প্যুটরদা বস মখল অহুম শিজিন্নৈ। মদুদি এদ্রেস বস, দাতা বস অমদি কন্ট্রোল বসনি।
১.৩.২ কিবোর্ড(KEYBOARD), মাউস(MOUSE) অমসুং ভিঃদিঃয়ুঃ(VDU)
প্রোব্লেম অমবু সোল্ভ তৌনবগীদমক ঐখোয়না কম্প্যুটরদা দাতা নত্রগা ইন্ষ্ট্রক্সন পিশিনবা তাই। মসি ইনপুট দিভাইসশিংগী মতেংনা পিশিল্লি। কিবোর্ড হায়বসি ইনপুট দিবাইসকী খুদম অমনি, মসিনা দাতাশিং লৌশিল্লি অমদি মদুবু ইলেক্ট্রিক সিগনেলশিংদা ওন্থোকই। প্রোগ্রাম (ইন্ষ্ট্রক্সনশিং)অমসুং দাতা অনিমক মসিগী মতেংনা চংশিনবা য়াই। মসিগী মথক্তা অক্কনবা সোফ্টৱাইরশিংগী কমান্দ খরদি কিবোর্ডকী মতেংনা চংই।
কিবোর্ডতা কি কয়ামরুম য়াউই। তাইপরাইতর অমগুম ময়েক, মশিং নত্রগা সিম্বল খুদিংমক্কী অম্মমতা ওইনা মহুৎ শিনবা কিশিং য়াওই। খ্বাইদগী চৎনবা কিবোর্ড অসি qwerty কিবোর্ড কৌই। মশিগী অহানবা কিগী পরেং অসি ময়াম্না পাম্না শিজিন্নরিবা তাইপরাইতর অমগী কিগা মান্নৈ। কি অমবু নম্বা মতমদা কিগী স্বিট্চ অদু এক্টিভেট তৌই। কিবোর্ডতা করম্বা কি নমখিবগে হায়বদু খঙনবা ইলেক্ট্রোনিক সার্কিট য়াওই। কি অমা নম্বা মতমদা কি অদুগী কোড অমা পুথোকই অমসুং মদুবু কম্প্যুটরদা থাই। খুদম ওইনা নহাক্না অল্ফাবেতকী A কিবোর্ডতগী নম্বা মতমদা, মদুবু ইলেক্ট্রোনিক কোড 0100001 ওইনা ওনথোক্লগা কম্প্যুটরদা থাই। অসিগুম্না অঙ্ক মশিং 0 অসিসু ইলেক্ট্রোনিক কোড 00111001 ওইনা ওন্থোকই। অসুম্না কিবোর্ড হায়বসি কম্প্য়ুটরদা দাতা হাপচিন্নবা পাম্বৈ অমনি। কর্ম্বা কি নমখিবগে হায়বদু খঙদোকপা অমদি মদুবু চান্নবা কোডতা ওন্থোকপগী মওং অসিবু ইনকোদিং(Encoding) কৌই। ASCII (American Symbolic Code for Information Interchange) অসি ময়াম্না খ্বাইদগী শিজিন্নবা কোডশিংনি।
মাউস (Mouse)
মাউস হায়বসি থিন্দুনা তাক্নবা দিভাইস অমনি। মসি অনানবা লৈমাই অমদা থম্লগা লেংথোক-লেংশিন তৌদুনা দিস্প্লে স্ক্রিন্দা থোক্লিবা করসরগী লৈফম অদু অপাম্বা মফমদা থম্বা ঙম্মী। মাউস অসি ওপ্তিকেল নত্রগা মেকানিকেল ওইবা য়াই। ওপ্তিকেল ওইরগদি লাংদনা অমদি হেন্না নুঙাইনা শিজিন্নবা য়াই, অদুগা মেকানিকেল হায়বসিনা খরা হেন্না হোংবা মখলগীনি। শিজিন্নরিবা মীওইদুনা মসিবু লেংথোক-লেংশিন তৌদুনা পোইন্টর অদুবু থমনিংবা, অপাম্বা মফম অদুদা লেপহনগনি। মদুদা য়াওরিবা বট্টনশিংগী মতেংনা অপাম্বা মফম অদুবুসু খন্দোকপা য়াগনি।
মাউস অসি দাতা পিশিন্নবগীদমক কিবোর্ডকী মহু্ৎ শিন্না শিজিন্নবা নত্তে। ময়েক অমসুং মশিংশিংদি কিবোর্ডতগী চংগনি অদুবু মেনুদগী অপাম্বা খনবা নত্রগা য়েকপ-খোৎপা মতমদদি মাউস শিজিন্নবনা হেন্না খুদোং চাহল্লি। মাউস অমদা কি ২ য়াওবা, ৩ য়াউবা অমদি স্ক্রোল্লিং তৌবা য়াবা মাউসশিং লৈ।
ভিঃদিঃয়ুঃ(VDU)
ঐখোয়না কিবোর্ডতগী করি চংখবগে নত্রগা অরানবা শেমদোকখিবা মতমদা করম্না শেমদোকখ্রবগে হায়বনচিংবা য়েংবগী তঙাইফদবা লাকই। ঐখোয়না কিবোর্ডতগী চংখিবা খুদিংমক মোনিটরগী স্ক্রিন নত্রগা ভিদিও দিস্প্লে য়ুনিৎ (video display unit (VDU)) হায়বসিদা উবা ফংই। মসি কম্প্যুটরনা পুথোরকপা ইনফোরমেসনশিংসু উত্থোরক্নবগীদমক্তসু শিজিন্নৈ। দিস্প্লে স্ক্রিন অয়াম্বা টেলিভিসনগুম্না কেথোদ রে ট্যুব (cathode ray tube (CRT)) শিজিন্নদুনা থবক তৌহল্লি। ময়াম্না দিস্প্লে স্ক্রিনগী মহুত্তা CRT হায়বা ৱাহৈ অসিনা হেন্না তোইনা শিজিন্নৈ।
মনিতরবু মখল খাদোকপগী মওং কয়া লৈ। খ্বাইদগী ইচম-চম্বদি মচু, স্ক্রিনগী অচৌবা অমসুং শেংবগী চাং(resolution)গী মখা পোন্না খাইদোকপনি। অহানবগী অনি অসিমদি তশেং-তশেংনা খাইদোকপা য়ারবা। রিসোলুসন হায়বসিনা পিক্সল(ইঞ্চ অমদা লৈবা দোত মশিং)শিংনা কয়াম কুংনা লৈবগে হায়বদু তাকই। ইশম শম্না পিক্সল য়াম্লিবগী মতিক শেংবগী চাং হেল্লি। হৌজিক্কী মতমদা VGA (video graphics array) নত্রগা SVGA ( Super VGA ) শিং অসি ময়াম্না খ্বাইদগী হেন্না শিজিন্নবা মোনিতর ওইরি। খ্বাইদগী নৌবা মোনিতর (SVGA ষ্টেন্দার্দ) শিংদি 1024 X 768 পিক্সলগী চাংদা শেংহনবা ঙম্মী। খ্বাইদগী শেংবা মোদেলশিংদি 1080 X 1024 নত্রগা 1600 X 1200 ফাওবা শেংবা য়াই। অরিবা মোনিতরগী মখলশিংদি MDA (monochrome display adapter), CGA (color graphics adapter), অমসুং EGA(enhanced graphics adapter) নি। মখোয়শিং অসি হৌজিক্কী মতমদা শিজিন্নদ্রে অমদি অনৌবা ৱিন্দোজগী ভর্জনশিংদা শিজিন্নবা য়াদ্রে।
১.৩.৩ অতৈ ইনপুট দিভাইসশিং
ইনপুট দিভাইসশিংগী মতেংনা কম্প্যুটরদা দাতাশিং হাপচিনবা য়াই। দাতাশিংনা হন্না লৈজরম্বা মশাগী মওং অদুদগী ইনপুট দিভাইশিং অদুনা মদুবু কম্প্যুটরনা প্রোসেস তৌবা ঙম্বা ইলেক্ট্রোনিক সিগ্নেল ওইনা ওন্থোকই।
থিনদুনা মফম তাক্নবা দিভাইসশিং
করিগুম্বা ঐখোয়না মিৎনা উবা পোৎশকশিংগী মখাপোনবা পেক্কেজশিং শিজিন্নরদি, কিরিগুম্বা ওপসন অমা খন্নবগীদমক ওপসন অদু থিন্দুনা তাকপা তাই অমদি মদুগা মরি লৈনবা অতোপ্পা ওপসনশিং খন্নবগীদমক লেংথোক লেংশিন তৌবা তাই। অসিগুম্বা মতাংদা পোইন্তিং দিভাইসশিং(থিন্দুনা তাক্নবা দিভাইসশিং) অসি য়াম্না কান্নরকই। পোইন্তিং দিভাইস মখল য়াম্মী। খরদং পল্লবদা - লাইট পেন, ত্রেক বোলস অমসুং জোইস্তিকশিংনি।
লাইট পেন (Light Pen)
মসি কলমগা মওং মান্নবা, স্ক্রিন অমদা ইরাই লাইনা লেংথোক-লেংশিন তৌহনবা ঙম্বা খুলাইনি। কলম মখল অসিদা মঙালবু লৌশিনবা ঙম্বা লাইট রিসেপ্তর য়াওই। দিস্প্লে স্ক্রিন অমদা মসিনা নম্লুবা মতমদা লাইট রিসেপ্তর অসি এক্টিভেট তৌরকই। রিসেপ্তর অসি কলম অদুনা থিল্লিবা মফম তাকপা ঙম্বা স্কেন্নিং বিমনি। লাইট পেন অদুগা চান্নবা সিষ্টেম সোফ্টৱাইরনা, লাইট পেন অদুনা দিস্প্লে স্ক্রিন অমগী লৈমাইগী শরুক অমদা থিন্দুনা তাকপা মতমদা করি থবক তৌগদগে হায়বদু তাকই। অতোপ্পা পোইন্টিং দিভাইশিং হায়বদি ত্রেক বোলস অমদি জোইস্টিকনচিংবদি গেম শান্নবগুম্বা ইন্টরতেনমেন্টকী শরুক্তা শিজিন্নৈ।
খোনজেল/ৱাহৈনা ইন্পুট ওইবা (VOICE/SPEECH INPUT)
থিজিন-হুমজিনবদা খ্বাইদগী নুঙাইবা হিরমশিংগী মনুংদা মীওইবগী খোনজেল/ৱাহৈবু কম্প্যুটরনা মশক খংহনবা অমদি মসিবু হকথেংননা কম্প্যুটরদা ইনপুট ওইনা চংবা য়াহনবা অসিসু অমনি। খোংথাং অসিনা দাতাবু কিবোর্ডতা কিশিং নমদুনা চংহনবগী অৱাবা অদু কোকহল্লগনি অমসুং অচম্বা মীওই অমনা কম্প্যুটরবু য়াম্না লাইনা শিজিন্নবা য়াহল্লগনি। খোন্জেলনা ইনপুট ওইনা শিজিন্নবসিদা খুদোংচাদবা ময়াম অমদি মায়োকনদবা নত্তে | কনাগী মখোলনো অমদি করি হায়নিংলিবনো (what the message is) হায়বদু কম্পুটরনা খন্দোকপা ঙমহনবা মথৌ তাই|ঙাংলিবা খোন্থোক্তগী তশেং তশেংনা ইবা/পাবা য়াবা ময়েক্তা ওন্থোক্পা হায়বা অসি হৌজিক হৌজিকমক্কিদি ময়াম্না য়ান্নরবা মওংদা কৈথেলদা লৈবা ফংবা পোত্শক অমা ওইনা লৈত্রি |
হিরম অসিদা থিজিন হুমজিনবা অসি অকক্নবা মফম খরদদি কান্নবা ফংব ঙম্লে। হৌজিক্তি অকক্নবা শিজিন্নবগী মওং খরগী মনুংদা শিজিন্নবা য়ারবা, মীওইবগী খোনজেলবু খংবা ঙম্বা অমদি মদুবু লৌশিন্দুনা শিজিন্বা ঙম্বা খুৎলাই খরদি শেল পিদুনা লৈবা ফংলে।
স্কান্নর (SCANNERS)
স্কান্নর হায়বসিনা ইনফোরমেসন (ইমেজ, অইবা দোকুমেন্ট, অয়েকপা লাই নত্রগা ফোটোগ্রাফ) অমবু লৌশিন্দুনা গ্রাফিক ফোরমেট অমদা হাপচিন্দুনা থম্বা অমদি মদুবু অমুক হন্না মদুবু গ্রাফিক স্ক্রিন্দা থোকহনবা ঙম্মী। স্কান্নর অমনা স্কান তৌগদবা চেবাং অদুবু ঙালহন্দুনা মদুগী ওপ্তিকেল ইমেজ অদু দিজিতেল ফোরমেট্টা ওন্থোকই অমদি মদুবু কম্প্যুটরদা হাপচিন্দুনা থম্মী। স্কান তৌরবা গ্রাফিক ইমেজ অদু হৌজিক্তি উবা ফংলগনি অমদি মদুবু কম্প্যুটরনা হকথেংননা প্রোসেস তৌবা য়ারগনি। স্কান্নর অসি হেন্দ-হেল্ড(hand-held), ফিড-ইন(feed-in) অমসুং ফ্লেত বেড(flat bed) হায়বা মখলশিং লৈ অমসুং মখোয়শিং অসি ব্লেক-এন্ড-হ্বাইট নত্রগা কলর ইমেজশিং স্কান তৌবদা শিজিন্নৈ।
সোর্স দাতা ওটোমেসন (SOURCE DATA AUTOMATION)
ঐখোয়না দাতাশিং অসিবু তাইপ তৌবা নত্তনা, অতোপ্পা দিভাইসিং শিজিন্নরগা হকথেংননা খোমজিনবা য়াই। মসিবু সোর্স দাতা ওটোমেসন কৌই। দাতা ইনপুটকী খ্বাইদগী নৌবা মওং অসি দাতা সোর্স ওতোমেসন্না ওইরক্লি। দাতা সোর্স ওটোমেসনগী খুৎশু-খুৎলাইশিং অদুনা বিজিনেসকী থবক থৌরমগা মরি লৈনবা দাতাশিং লৌশিল্লি। অসুম্না খুৎনা দাতাশিং চংবদগী ঙাকথোকই। খুদম খরা মখাদা পিরিঃ -
মেগ্নেটিক ইন্ক কেরেক্টর রিকোগনিসন Magnetic Ink Character Recognition (MICR): দিভাইস অসি মরুওইনা বেঙ্কিং ইনদষ্ট্রিদা, অকাউন্ট নং অমসুং চ্যেকশিংবু হাকথেংননা পানবা অমদি দরকার লৈবা প্রোসেসিং তৌনবগীদমক শিজিন্নৈ।
1. ওপ্তিকেল মার্ক রিকোগনিসন Optical Mark Recognition (OMR): মসিগী খুলাই অসিনা কম্প্যুটরনা পাবা ঙম্বা চে মখল অমদা লৈবা মার্কশিং পাবা ঙম্মি। মহৈ-লোইশংশিং অমদি এপ্টিচুদ তেষ্ট তৌনবা লৈবা ইন্টিট্যুসনশিংনা পরিক্ষা লৌবদা, কেন্দিদেৎশিংনা অচুম্বা পাউখুম অদুবু খন্দোক্লগা অখন্নবা চেবাং অমদা মদুবু মার্ক তৌহল্লি। মসিগী মতুংদা ওপ্তিকেল মার্ক রিকোগনিসন দিভাইসনা (Optical mark recognition device) পাউখুম চে অদুবু পাই অমসুং মদুবু মখাতাবা প্রোসেসিংগীদমক কম্প্যুটরদা থাজিল্লি। অসাইন্মেন্ট অমদি ইন্ট্রান্স টেষ্ট খরগী পাউখুম চেদি OMR শিজিন্নদুনা য়েংলি।
2. ওপ্তিকেল বার কোড রিদর Optical Bar Code Reader (OBR): মসিনা টেগশিং, ষ্টোরদা থম্লিবা পোৎশকশিং, মেদিকেল রিপোর্টশিং অমদি লাইব্রেরিগী লাইরিকশিংদা য়াওরিবা বার কোড অমগী পাকপা মান্নদবা অয়ুংবা লইশিংবু স্কান তৌই অমদি মদুদা য়াউরিবা অখন্নবা ইনফোরমেসনশিং অদুবু পাই। মসি খুৎনা পায়দুনা শিজিন্নবা য়াবা খুৎলাইশিং ওইনা ফংই।
১.৩.৪ অতৈ আউতপুট দিভাইস খরা (OTHER OUTPUT DEVICES)
আউতপুট দিভাইস হায়বসি তারকপা ফলশিংবু উবা ফংনবা শিজিন্নবা কম্প্য়ুটর সিষ্টমগী শরুক অমনি। আউপুট দিভাইসনা কম্প্যুটরনা ইলেক্ত্রিক্কি মওংদা শিজিন্নবা ইনফোর্মেসনশিংবু মীওইবনা লায়না লৌশিনবা অমদি মদুদা থবক তৌবা য়াবা মওংদা ওন্থোকই। আউপুট অসি অয়াম্বনা মওং অনিদা হায়বদি দিষ্প্লে য়ুনিত্তা নত্রগা চে অমদা নমথোক্লগা ওইনা পুথোকই। অতোপ্পা আউটপুটকী মওং হায়বদি খোলজেল ওইনা পুথোকপা (speech output), মেকানিকেল আউতপুটনচিংবদু এপ্লিকেসন খরদা অদুমক শিজিন্নরি। প্রিন্টরনা কম্প্যুটরদগী দাতাশিং লৌশিল্লি অমদি মদুবু চেদা নমথোক্লবা দোকুমেন্ট ওইনা ওন্থোকই। দাতা অদুমক ভিদিও দিস্প্লে য়ুনিৎ অমদা উৎপসু য়াই। আউতপুট পুথোকপগী মওং অসি য়ুজর অদুনা দাতা অদুবু মতম চুপ্পা লেংলোইদবা মওংদা পুথোকপা পাম্বা পামদবগী মখা পোল্লি। য়াম্না তোয়না শিজিন্নবা আউতপুট দিভাইস খরগী মরমদা নৈনসি-
উবা ফংহনবা দিভাইসিং (DISPLAY DEVICES)
কম্প্যুটরগী খ্বাইদগী মরু ওইবা পেরিফরেলশিংগী মনুংদা দিস্প্লে দিভাইস অসিসু অমনি। গ্রাফিক দিস্প্লে অসি দোত ময়ামগী চবুন ‘পিক্সল' ( ‘pixels' (picture elements) ) হায়বা অসিনা শাগৎপনি। পিক্সলশিংনা ইমেজবু শেমই। স্ক্রিনদা লৈবা দোত খুদিংমকপু অমমমতা মফম তাকপা ঙম্বা য়ুনিৎ ওইনা লৌই। মরম অসিনা দোত খুদংমকপু অমমমতা ওইনা কন্ট্রোল তৌবা য়াই অমদি মসিনা য়েক-খোৎপা তৌবদা হেন্না খুদোং চাহল্লি। দিস্প্লে স্ক্রিন টেক্লোলোজিগী কাংলুপ অহুম থোক্না খায়দোকপা য়াই -
1. কেঠোদ রে ত্যুব (Cathode Ray Tube (CRT) )
2. লিক্বিদ কৃষ্টল দিস্প্লে (Liquid Crystal Display (LCD) )
3. প্রোজেক্সন দিস্প্লে (Projection Displays)
CRT দিস্প্লে
CRT (Cathord Ray Tube) মোনিটরশিং অসিনা কম্প্যুটরদগী লাকপা ভিদিও সিগ্নলশিং অদুবু লৌশিল্লি অমদি মদুবু CRT স্ক্রিন্দা দোতশিং থোকহল্লি। দোতশিং অদনা পুনশিন্নদুনা মপুংফাবা ভিদিও ইনফোরমেসনদুবু উৎলি। CRT ভিদিও মোনিটর অমগী মরুওইনা য়ুনিৎতি CRT মশামক্নি;মশিবু ইচম-চম্না পিকচর ট্যুব হায়না খঙনৈ। CRT অসি নুংশিৎ চিংথোক্লবা গ্লাস ট্যুব অমনি, মসিগী মনুংগী মমাং থংবা স্ক্রিন হায়না খঙনরিবা নাকন্দা ফ্লোরোসেন্টকি মরোল অমা তৈশিল্লি। বিম অমনা স্ক্রিন অদুদা তাবা মতমদা, স্ক্রিন্দা তৈরিবা ফোসফোরদুনা ইলেক্ত্রোন বিম তাখিবা মফমদুবু ঙালহল্লি। স্ক্রিনগী মফম কয়াদা ঙালহন্নবগীদমক, ইলেক্ত্রোমেগ্নেটিক দিফ্লেক্সন অমনা ইলেক্ট্রোন বিম অদুবু থৈদোকহল্লি। হোরাইজোন্টেল দিফ্রেক্সন কোইল(Horizontal deflection coils)শিংনা বিম অদুবু ফৈনা থৈদোকহল্লি অমদি ভার্টিকেল দিফ্লেক্সন কোইল(Vertical deflection coils) শিংনা বিমশিং অদুবু য়ুংনা থৈদোকহল্লি। স্ক্রিন্দা তারিবা অঙানবা অদু ফোসফোরগী মঙালবু চুপশিন্দুনা থম্বা ঙম্বগী গুন্না মরম ওইদুনা মিলিসেকেন্দ খরদি ঙান্দুনা লৈহৌই। স্ক্রিনদা ইমেজ অমা মতম চুপ্পা থোক্তুনা লৈনবগীদমক্তা হনজিন হনজিন্না ঙালহনবা তাঙাইফদে। মসি CRT স্ক্রিন অদুবু ইলেক্ট্রোন বিমনা স্কান্নিং তৌদুনা পাংথোকই। CRT দিসপ্লে অসি মখল অনি থোক্না খায়দোকইঃ-
1. ভেক্টর CRT দিস্প্লে (Vector CRT displays): ইলেক্ট্রোন বিমশিং অদু ইমেজ থোকহনগদবা মফমদু খক্তদা চৎহল্লি।
- রাষ্টর স্কান দিস্প্লে: স্ক্রিনগী মথক্তগী হৌরগা মখাথংবা শরুক ফাওবা, মদুদা লৈরিবা পিক্চর ইলিমেন্টকী রো খুদিংমক্তা বিমশিং অদু চৎহন্দুনা ইমেজশিং শেম্মী। মসিগুম্বা দিস্প্লেগী মখল অসিনা তৌবা ঙম্বগী চাং য়াম্না ৱাংই মরমদি ইমেজশিং অদু রিফ্রেস তৌদুনা অদুম লৈ অমদি মরক্তা য়ুজরগী ইনপুট, আউতপুট অদুমক য়াহন্দুনা থম্মি। মসিনা য়াম্না হোংবা মমলদা মচুশিংবু মপুংফানা উহনবা ঙম্মী অমসুং মসি য়াম্না পাম্নবা ওইরক্লি। মওং অসিদা দিষ্প্লে তৌবা অসিনা , ষ্ক্রিনদা উত্থোক্লিবা মমি অদু অদুক্কী মতিক্ য়াম্না থুনা হন্জল হন্জল য়েকথোকপা মরমনা কম্পুটর শিজিন্নরিবা মীদুনা মানা হেক্ য়েকথোক য়েকশিন তৌবদুমক্ খুদক্তা/মিত্কুপ্তা থোরকপা ওইনা উহল্লি|
লিক্বিদ খৃস্টল দিস্প্রে (Liquid Crystal Displays (LCD))
মসি ১৯৭০গী মনুং অদ্বাইদা ইহান হান্না ঘড়ীশিংদা শিজিন্নবা হৌদোকখি। অদুবু ঙসিদি মসি কম্প্যুটরগী দিস্প্লে দিভাইস ওইনা শিজিন্নরে। LCD শিজিন্নবনা হেন্না কান্নহল্লিবসি মসিনা ইনর্জিগী চাং য়ামদনা শিজিন্নবা অসিনি। কম্প্য়ুটরগী আউটপুট উনবগীদমক হৌজিক CRT বু LCD না মহুৎ শিদোরক্লে। মসিনা মচু-মচু কয়া থোক্না উহনবা ঙম্লে অদুবু শেংবগী চাংদি য়াম্না হন্থৈ। লেপ্তোপ নত্রগা নোটবুক কম্প্য়ুটর হায়না খঙনবা, পুথোক-পুশিন্দা হেন্না খুদোংচারবা কম্প্যুটরশিংদা LCD গী অপাবা দিস্প্লেশিং শিজিন্নৈ। মসি পিকশিনবা অমদি শিজিন্নবদা ইনর্জি য়াম্না চংদবা অসিনা মসিবু অসিগুম্বা পুথোক পুশিন য়াবা কম্প্যুটরশিংদি শিজিন্নবগী মরমনি।
প্রোজেক্সন দিষ্প্লে (Projection Displays)
হান্না শিজিন্নরম্বা অপিকপা দিস্প্লেশিংগী মহুত্তা অপাকপা, অচৌবা স্ক্রিন অমদা ইমেজশিংবু কাপথোক্তুনা মসিনা চাউনা উহল্লি। মখোয়শি মী য়াম্না তিনগদবা অচৌবা গ্রুপ প্রসেন্টেসন(Group Presentation) গুম্বদা মরুওইনা শিজিন্নৈ। সিষ্টম অসিবু কম্প্যুটরগা শম্নহল্লি অমদি টর্মিনেলদা উরিবা খুদিংমক চাউথোক্না, পাক্লবা স্ক্রিন অমদা কাপথোকই। অতোপ্পা পাম্ননা শিজিন্নবা মওং অমদি LCD গী অপাবা স্ক্রিন অমগা কম্প্যুটরগা শম্নহল্লবা অমসুং LCD দা তারিবা মমি অদুবু ওভর্হেদ প্রোজেক্টর (Overhead projector) শিজিন্নদুনা অমুক অপাকপা স্ক্রিন্দা কাপথোকপা অসিনি। মসি সেমিনার, ক্লাসরুম, মার্কেটিং প্রসেন্টেসনচিংবগী থবক্তা য়াম্না শিজিন্নৈ।
টর্মিনেল (TERMINALS)
টর্মিনেল (Terminal) হায়বসি ইনপুট অমদি আউতপুট উনিৎ খুদম ওইনা VDU অমদি কিবোর্ডচিংবা অসি পুন্নশিন্নরগা শেম্মি। টর্মিনেল শিজিন্নদুনা দাতা নত্রগা ইনফোর্মেসনশিবু কম্প্যুটরদা চংহনবা য়াই। টর্মিনেলসি মখল অনি থোক্না খাইদোকপা য়াই। মদুদি হার্ড কোপি টরমিনেল অমদি সোফ্ট কোপি টর্মিনেলনি। হার্ড কোপি টরমিনেলদি আউপুট অদু চে অমদা নমথোরকই অদুগা সোফ্ট কোপি টরমিনেলদদি স্ক্রিন অমদা উবা ফংহল্লি। সোফ্ট কোপি টরমিনেলবু CRT (Cathode Ray Tube) টরমিনেল হায়রগসু খঙনৈ। টরমিনেলশিংবু দম্ব টরমিনেল (dumb terminals) নত্রগা ইন্টলিজেন্স টরমিনেল নত্রগা টরমিনেল হায়নসু খায়দোকপা য়াই। হৌজিক্কি টেকনোলোজি অসিনা দম্ব টর্মিনেল অমসুং ইন্টলিজেন্স টরমিনেলগী মমলদা খেন্নবা য়াম্না লৈহন্দ্রে। মরম অসিনা ইন্টলিজেন্স টর্মিনেল শিজিন্নবনা হেন্না পুক্নিং থৌগৎলে।
প্রিন্টর (PRINTERS)
প্রিন্টর অসি ময়াম্না তোইনা অমদি পাম্না শিজিন্নবা আউতপুট দিভাইস অমনি। মসিনা কম্প্যুটরদগী থাদোরকপা ময়েক অমসুং গ্রাফিকশিংবু লৌশিল্লি অমদি মদুবু ময়াম্না চৎনবা চেগী চাউবগী চাং অমদা ইনফোরমেসন অদুবু থাদোরকই। নমথোক্লবা চে অসি মতম পুম্বদা লেংদনা লৈরগদবা রেকোর্ড ওইরে অমদি মসি ইরাই-লাইনা কোপি তৌথোকপা, ময়ামদা য়েন্থোপনচিংবা য়াহল্লি। ময়াম্না খঙনরবা কম্প্যুটরনা নমথোকপা দোকুমেন্টশিংগী মনুংদা পে-স্লিপ, বেঙ্ক স্টেটমেন্টশিং, ইলেক্ট্রিসিতি বিল অসিনচিংবসুনি। তোঙান তোঙানবা ব্রান্ডদা মখল কয়াগী প্রিটর কয়া কৈথেলদা ফংই। মখোয়শিং অদু চাউবগী চাং, থুবগী চাং, শিজিন্নবদা লায়বা-লুবা অমসুং মমলদা খেন্নৈ। ইচম-চম্না প্রিটরশিং অসিবু ইম্পেক্ট অমসুং নন-ইম্পেক্ট হায়না কাংলুপ অনি থোক্না খায়দোকপা য়াই।
ইম্পেক্ট প্রিন্টর (Impact Printers)
ইম্পেক্ট প্রিন্টর হায়বসি, ময়েকশিংবু প্রিন্ট হেম্মরনা (তাইপ রাইটরগুম্বা) চেনাদা ফুজিন্দুনা মমি তাহনবা প্রিন্টর মখলনি। ইম্পেক্ট প্রিন্টরশিং অসি তাইপ রাইটরগুম্না কম্প্যুটরদা শিজিন্নবগীদমক শাবনি।
1. দোত মেত্রিক্স প্রিন্টর (Dot Matrix Printer): মসি কেরেক্টর প্রিন্টর অমনি। দোট মেত্রিক্স প্রিন্টরদা অপিকপা য়ৈনবা মচা-মচাশিংনা (হেম্মর) মওং চানা পুনশিন্দুনা অপাম্বা ময়েক অমা পুথোকই। অসিগুম্বা হেম্মর খুদিংমক্না চেনাদা দোত মচা অমমম নমই।
2. লাইন প্রিন্টর (Line Printer): মসিনা ৱাহৈগী পরেং অমবু অমুক্তদা নমই। লাইন প্রিন্টরশিংদা কাংখৎলবা ময়েকশিংনা দ্রমগী অশাংবা অদু হেনগৎহল্লি। লাইন প্রিন্টরদদি তোংখত্লবা ময়েকশিংনা নমগদৌরিবা দ্রমদুগী অশাংবা পুম্বা থুংনা লৈ|নমগদৌরিবা জগা খুদিংমক্তা খুজি অমগী মতৌগুম্না নম্বা য়াবা ময়েক খুদিংমক ইকোয় কোয়না য়াওই|শিন্দোক্লবা ময়েকশিং মফম চানা লৈরবা মতমদা য়াম্না থুনা ময়েকশিংদুগী মনিংদা নুংথংগুম্বা (print head hammer) অমনা য়ৈশিল্লক্তুনা ময়েকশিংদু চেদা তাহল্লি |বাহৈ পরেং অমা নমেবা খুদিংগী দ্রম অদু মপুং ফানা অমুমুক লৈ |
নন-ইম্পেক্ট প্রিন্টর (Non-Impact Printers)
মশাগী মমিংনা তাকচরিবশিগুম, নন-ইম্পেক্ট প্রিন্টরদি নমগদবা চেনাদা ময়েক শেম্নবগীদমক হেম্মরশিংনা ফুজিনবা নত্রগা হুত্তোকপগী মওং তৌদে। মসিদি চেদা নম্নবগীদমক মুক্কি ষ্প্রে, মৈশা, জেরোগ্রাফি নত্রগা লেজর শিজিন্নৈ হায়বদি ময়েকশিংদু য়ৈশিনবা, থোমজিনবা মওংনা শেমদে। নন-ইম্পেক্ট প্রিন্টরশিং অসিনা ইম্পেক্ট প্রিন্টরদগী হেন্না মখোল থোক্তে। নন-ইম্পেক্ট প্রিন্টরগী খুদমদিঃ- ইঙ্কজেৎ প্রিন্টর অমসুং লেজর প্রিন্টরনচিংবনি।
1. ইঙ্কজেৎ প্রিন্টর (Inkjet Printer): মসি নন-ইম্পেক্ট কেরেক্টর প্রিন্টরনি। মসিগী মচিন য়াম্না তুম্বা জেটশিংদগী, য়াম্না থুনা কংবা মুক মখল অমা চেনাদা কাপশিল্লি, মদুবু ইলেক্ট্রোষ্টেটিক ফিল্দ অমগী মতেংনা ময়েক নত্রগা গ্রাফিক্সকী দোটশিং শেম্মি। য়াম্না কুপ্পা অদুগা অমুকশু য়ামন্ থুনা কংবা ঙম্বা মুকশিংদু চেবাং মথক্তা ঐখোয়না ওইহন্নিংলিবা ময়েক নত্রগা শকওং অদুদা ইলেক্ত্রোনিক্সকী পাম্বৈনা কাপশিল্লি কন্টিনিউঅস-ষ্ট্রিম ইঙ্কজেৎ প্রিটরশিংদদি মুক্কী দ্রোপশিংদু মচিন্দগী হেক থোকখিবগা ইলেক্ট্রিক চার্জ তৌশিল্লি। মুক কাপথোরক্লিবা মচিনদগী মুক অদু হেক থোরকপগা, মুক মরিক খুদিংমক ইলেক্ত্রোনিকেল্লি চার্জ ওইরকই |অদুদগী দ্রোপ্লেটশিং অদু ইলেক্ট্রিক চার্জ তৌরবা দিফ্লেক্সন প্লেটশিংনা চেনাদা মফম চানা থম্মি। মদুদগীদি চার্জ তৌরবা মুক মরিকশিংদু য়ৌহননিংবা জগা য়ৌনবা চার্জ তৌরবা ইলেক্ত্রোনিক্সকি প্লেটশিংনা মমায় চুমদুনা মথৌ পাংথোরকই |অপিকপা মুক্কী দোট কয়ামুক্না পুনশিল্লগা শেম্বা মরম্না প্রিন্টর অসি ময়েক শেংই। নম্লবা ময়েকশিংশি অশুক্কী মতিক য়েংবদা ফজরে মরমদি ময়েক অমমমদা মুক মরিক মশিং কয়ামুক চগুংননা য়াওবনা |
2. লেজর প্রিন্টর (Laser Printers): মসি পেজ প্রিন্টরনি হায়বদি লমাই অমবু অমুক্তদা নম্মি। লেজর প্রিন্টরনা পাম্লিবা আউতপুট অদু কোপিয়র দ্রম অমদা কম্প্যুটরগী কন্ট্রোল তৌরবা মঙালগী বিম অমগী মতেংনা ইশিল্লি। দ্রম অদু লেজর বিমনা য়ৈহনবা অদুনা মদুগী লৈমাইদা লৈবা মচাকশিংদা ইলেক্ট্রিক চার্জগী খেন্নবা অমা থোকহল্লি। লজর য়ৈহল্লবা মফমশিং অসিনা তোন্নরশিং অসিবু চিংশিল্লি অমদি তোন্নরশিং অসি দ্রম অদুদা লৈরিবা লেজরনা থোকহলনবা চার্জশিং অদুদা নপশিল্লি। অদুদগী তোন্নর অদু মৈশা নত্রগা প্রসরগী মতেংনা, মতমচুপ্পগী ওইনা চে অদুদা নপশিল্লি। লেজর প্রিন্টরশিং অসি মখোল থোক্তে অমদি ময়েক য়াম্না শেংবা আউতপুট পুথোকই।
১.৩.৪ কম্প্যুটর মেমোরি (COMPUTER MEMORY)
কম্প্যুটরদা শিজিন্নবা মেমোরি মখল কয়ামুক লৈ। প্রাইমারি মেমোরিগী মমিং অতৈদি মেন মেমোরি(Main memory) নত্রগা রেন্দম এসেস মেমোরি (Random Access Memory (RAM))নি। মসি CPU না প্রোসেসিং তৌনবগীদমক দাতা নত্রগা ইন্ষ্ট্রক্সনশিং হাপচিনবা অমদি লৌথোকপদা শিজিন্নৈ। সেকেন্দরি মেমোরি নত্রগা আউজিলরি মেমোরি (Secondary memory or Auxiliary memory) অসিনা দাতা নত্রগা ইন্ষ্ট্রক্সনশিং মতম চুপ্পগী হাপচিন্দুনা থম্নবগীদমক শিজিন্নৈ। হার্ড দিস্ক নত্রগা ফ্লোপি দিস্ক অসি সেকেন্দরি মেমোরিগী খুদমশিংনি। কম্পেক্ট দিস্ক রিদ ওনলি মেমোরি (Compact Disk Read Only Memory (CD ROM)) অসিসু দাতাশিংবু মতমচুপ্পগী ওইনা হাপচিন্দুনা থম্নবগীদমক শিজিন্নৈ। অদুবু মসিদা দাতা হাপ্নবগীদমক সিঃদিঃ রাইটর (CD writer) চংই। কেচ মেমোরি অসি কম্প্যুটরনা থবক হেন্না পাংথোকপা ঙম্নবগী শিজিন্নৈ।
মেন মেমোরি (MAIN MEMORY)
সেন্ট্রেল প্রোসেসিং য়ুনিৎনা প্রোসেসিংগীদমক দাতা অমদি ইন্ষ্ট্রক্সনশিংবু লৌথোক লৌসিন য়ানবা মদুবু মেন মেমোরিদা থম্বা তঙাইফদে। মেন মেমোরি অসি দাতা অমসুং ইন্ষ্ট্রক্সনশিংবু মতম খরদংগী হাপচিনফম ওইনা শিজিন্নৈ। মশি মশিং য়াম্লবা কাখল কয়ানা শাগৎপনি। অসিগুম্বা কাখল অমমমদা বিত অমমমগী দাতা হাপ্পা য়াই। কাখলশিং অসিবু অমুক লৈফম তাকপা য়াবা ৱার্ডশিং ওইনা পুনশিল্লি। ৱার্ড অমমমদা বিত পরেং অমগী ইনফোর্মেসন য়াউই। ৱার্ড অমদা য়াউরিবা দাতাশিংবু পাবা অমদি হাপচিনবগী থবক অদু ৱার্ড অদুগী লৈফমগী মখা পোন্দে। মসিগী ওরগানাইজেসন অসিবু রাম নত্রগা রেন্দম এসেস মেমোরি (RAM or Random Access Memory) কৌই। মেন মেমোরি অসি য়াম্না থুই। মসিগী ষ্টোরেজ কেপাসিসি মেগাবাইট(MB) তা ওল্লি। হৌজিক্কি মতমগী কম্প্যুটরশিং অসি য়ামদ্রবদা 128 Mbytes কি রাম হাপ্পি। হৌজিক্কি অনৌবা কম্প্যুটর খুদিংমক্তি সেমিকন্দক্টরনা শাবা মেন মেমোরি শিজিন্নরে মরমদি মসি য়াম্না থুই, মমল হোংই, পিকশিল্লি অমদি পৱার য়াম্না শিজিন্নদে। রাম্বু অমুক মখাতানা দাইনামিক রাম (Dynamic RAM (DRAM)) নত্রগা ষ্টেটিক রাম (Static RAM (SRAM) ) হায়না অমুক খায়দোকই।
কেপাসিটি চাউবা চিপশিং অসি অয়াম্বনা দাইনামিক রাম্না শাই মরমদি দাইনামিক রামদি ষ্টেটিক রামদগী ট্রান্সসিষ্টর মশিং হন্থনা চংই অমদি মসিনা মরম ওইদুনা চিপ অমদা য়াম্না কুংনা হাপচিনবা য়াই। অসুম্না দাইনামিক রাম্না ষ্টোরেজ কেপাসিটি হেন্না ফংবা ঙম্মি। DRAM অসি কেপাসিটরশিং শিজিন্নদুনা শাই। কেপাসিটরশিংদি চার্জ অদু মথন্ত হন্থজরকই মরম অদুনা চাং নাইনা রিফ্রেস তৌদবা য়াদে। মরম অসিনা তোঙানবা মসিগী তোঙানবা সর্কিটরি (circuitry) অমা চংই। রিফ্রেসিং তৌবা অসিনা মেমোরি এসেস তৌবদা খরদি তপথহনবা য়াই। মসিগী ওন্ন-তৈনবদা SRAM দি অসিগুম্বা রিফ্রেসিং সর্কিট দরকার লৈতে। অসুম্না SRAM না DRAM না থুবা হেল্লি। DRAM না SRAM দগী থুবা হেল্লি অমদি পৱার হন্থনা শিজিন্নৈ।
সেকেন্দরি মেমোরি (SECONDARY MEMORY)
প্রোগ্রাম অমসুং দাতা অসি হঞ্জিন-হঞ্জিন্না শিজিন্নবা দরকার তারকই মরম অদুনা মখোয়সি আউজিলরি নত্রগা সেকেন্দরি মেমোরিদা হাপচিন্দুনা থম্মি। মসিগী খুদমদি ফ্লোপি দিস্ক, হার্ড দিস্কনি। হৌজিক্কি মতমদা হার্ড দিক্সকী কেপাসিতি অসি 40 Giga bytes নি। আউজিলরি ষ্টোরেজ অসি য়াম্না তপ্পা মরম্না, কম্প্য়ুটরনা অথুবা মতমদা দরকার তাদবা প্রোগ্রাম নত্রগা দাতাশিং হাপচিন্দুনা থম্মি। কম্প্যুটরনা প্রোসেস তৌবা য়ারবা মতমদা দাতা অমদি প্রোগ্রামশিং অদু খরা হেন্না থুবা মেন মেমোরিদা কোপি তৌরকই। সেকেন্দরি ষ্টোরেজ দিভাইসশিং অসি প্রোসেসরদা অদুমক শমদুনা থম্মি। মখোয়না প্রোসেসরদগী দাতা নত্রগা প্রোগ্রামশিং লৌশিল্লি, মদুবু কাইদনা অদুমক থম্মি অমদি মদু প্রোসেসরনা থবক অমা প্রোসেস তৌবা লোইশিন্নবগীদমক দরকার তারক্লবা মতমতা প্রোসেসরদা অমুক হন্না থাই। সেকেন্দরি মেমোরিগী খুদমশিংদি ফ্লোপি দিস্ক, হার্ড দিস্ক, মেগ্নেটিক টেপ, চার্জ-কোপল দিভাইস, মেগ্নেটিক ববল মেমোরি অমদি ওপ্তিকেল মেমোরিশিংনি।
ফ্লোপি দিস্ক (Floppy Disk)
ফ্লোপি দিস্ক অসি, প্লাস্টিক্কি থেকতোক-থেকচিন য়াবা(flexible) মচাক্না শাই হায়বগীদমক মমিং অসি থোল্লি। মসিগী প্লাষ্টিক বেজ অসি আইরন-ওক্সাইদ হায়বা মেগ্নেতিক টেপ অমগী প্লাস্টিক রিবোন্দা তৈরিবা মচাক অদুগা মান্নবা রিকোর্দিং সব্সটেন্স অমনা তৈশিল্লি। তৈশিল্লিবা অদুদা য়াম্না পিকপা, মশক উদবা মেগ্নেতিক্কি অপিকপা মফম মচা-মচাশিং ওইনা দাতাশিংদু রিকোর্ড তৌই। দিস্ক অদু মদুবু কুপশিল্লিবা মকু অমগী মনুংদা হাপ্পি অমদি উংহল্লি। দিস্ক রিদরদা য়াওবা অপিকপা ইলেক্ট্রোমেগ্নেটিক হেদশিংনা মদুবু কুপশিল্লিবা মকুদা লৈবা অহোবা মখুল অদু ফাওনা, দিস্ক অদুদা ইরিবা দাতা অদু পাই। ফ্লোপি দিস্ক অসি ট্রেক (মখোয়সি দিস্ক্কী মমাইদা লৈবা মফম অমতদা সেন্টর ওইবা, থংননা লৈবা রিংশিংনি) কয়া থোক্না খায়দোকই অমসুং ট্রেকশিং অসিবু অমুক সেক্টর কায়া থোক্না খায়দোকই। ট্রেক্কী মশিং অসি ইঞ্চ অমদা ট্রেক কয়া লৈবগে হায়বদি ট্রেক পর ইঞ্চ (tpi) তা ফোংদোকই অমসুং মসি নহাক্না ফ্লোপি অমা হেক লৈরুবা মতদা ইরকই। দিস্কেট অসি মমল তাংদে অমসুং কয়ারক হন্না মুথৎপা অমদি অমুক হন্না শিজিন্নবা য়াই।
হার্ড দিস্ক (Hard disk)
হৌজিক ফাওবদা নৈনখ্রিবা দিস্ক মখলশিং অসি মশাগী দিস্ক-দ্রাইভতগী লৌথোকপা য়াবা অমসুং মফম অমদগী মফম অমদা পুথোক পুশিন য়াবা ঙাক্তনি। অদুম ওইনমক দিস্ক মখল খরদি কম্প্যুটরগী মশাগী য়াওজরকই নত্রগা অখন্নবা দিস্ক দ্রাইভ চংই। মখোয়শিং অসি লেংদনা থমগদবা হায়বদি ফিক্স দিস্ক (Fixed disks) নি। মখোয়সি লৌথোক-লৌশিন য়াবা দিস্কশিংগা মান্ননা অদুমক শিজিন্নৈ অদুবু মখোয়শি অয়াম্বা মতমদা দরকার লৈবা প্রোগ্রামশিং নত্রগা দাতাশিং হাপচিন্দুনা থম্নবগীদমক শিজিন্নগল্লি। হার্ড দিস্কনা মফম অমদা হেক্তা 20 MB দগী হৌরগা 40GB হেনবা ফাওবা হাপচিন্দুনা থম্বা ঙম্মি। হার্ড দিস্ক অসি ফ্লোপি দিস্ক অমদগী শরুক 10 দগী 100 ফাওবা হেন্না থুই।
মেগ্নেটিক টেপ (Magnetic Tapes)
মেগ্নেটিক টেপশিং অসি রিলশিংদা নত্রগা কেত্রিজ নত্রগা টেপকি কেসেট তা হাপ্পি অমদি য়াম্না য়াম্বা ব্যেক-অপ দাতাশিং হাপ্নবগীদমক শিজিন্নে। মখোয়সি হোংই অমসুং দ্রাইভতগী লৌথোকপা য়াই লোইননা লোইবা নাইদবা ষ্টোরেজ কেপাসিটি লৈ। মসিগী রিকোর্ডিং অসি টেপ ওদিও সিষ্টমশিংদা শিজিন্নরিবা রিকোর্দরগা মান্নৈ। মসিদগী ইনফোরমেসন লৌথোকপসি পরিং কাইদনা হায়বদি সিক্বেন্সিয়ল(sequential) ওই দিস্কতা শিজিন্নরিবা রেন্দম ওইবা মওংশিগা মান্নদে। মসি ওনলাইন্দা দাতা লৌথোক-লৌশিন তৌবগীদমক্তদি খুদোং চাদে মরমদি মসি পরিং নাইনা থিরকপনা মতম য়াম্না চংই। মসি ব্যেক-অপকীদমক আর্কাইব দাতাশিং হাপচিন্দুনা থম্বনা হেন্না খুদোং চাই।
সিঃদিঃ রোম (CD-ROM)
CD-ROM (Compact Disk Read-Only Memory) অসি ওদিও CD দগী ওন্থোকপনি। CD-ROM প্লেয়ারশিংসি মাপাঙ্গল হেন্না কল্লি অমদি অরানবা চুমথোক্নবা য়াওজৈ। মসিনা CD-ROM দগী কম্প্যুটরগী RAM দা মপুং ফানা দাতা থাংদোকপা য়াই। CD-ROM অসি CD রাইটর শিজিন্নদুনা দাতাশিং ইশিল্লি। CD-ROM দগী ইনফোর্মেসনশিং অদু ওপ্তিকেল দিস্ক দ্রাইভতা পুথোকচবা মপাঙ্গল শোনবা লেজর শিজিন্নদুনা লৌথোকই। মরম অসিনা CD-ROM শিংদা ট্রেক অমদা য়াওরিবা দাতাসি দিস্ককী মপানথংবা শরুক্লোমদনা চনবগী চাং হেল্লি। অসুম্না CD-ROM শিংনা দাতাশিং পারিঙৈ মনুংদা উংবগী খোংজেল অসি খেন্নৈ।
কেচ মেমোরি (CACHE MEMORY)
CPU গী খোংজেল অসি মেন মেমোরিবু এসেস তৌবগী খোংজেলগা য়েংনবদা য়াম্না হেন্না থুই। অয়াম্বা মতমদা মেন মেমোরিগী খোংজেল তপ্মনবনা মরম ওইদুনা প্রোসেসরগী থবক পাংথোকপা ঙম্বগী শক্তি অসি হন্থহল্লি। মসিগী খুদোং চাদবা অসি, প্রোসেসর অমদি মেন মেমোরি অনিগী মরক্তা কেচ মেমোরি হায়না খঙনবা অমদি মসিগী এসেস তৌবগী খোংজেল অসি CPU গী খোংজেলগা হাইরপ মান্ননা থুবা মেমোরি মচা অমা থমদুনা কোকহনবা য়াই। কেচ মেমোরি অসি মেন মেমোরিদগী থুবা হেল্লি। কেচ মেমোরি অসি য়াম্নদি থুই অদবু মমল য়াম্না তাংবা মরমনা চাং য়ামদনা শিজিন্নৈ। অসুম তৌনা পিক্লবা কেচ মেমোরিশিং শিজিন্নদুনা, মেমোরিগী মেন মেমোরিদগী য়াম্না থুনা দরকার লৈবা দাতা নত্রগা ইন্ষ্ট্রক্সনশিং অদুগী কোপি অমা কেচ মেমোরিদা থম্মি। রিড নত্রগা রাইট ওপরেসন অমা তৌবা মতমদা অহানবদা কেচ মেমোরিদা ওপরেসন অদুগী দরকার লৈবা লৈফম অদু য়াওব্রা হান্না য়েংই। করিগুম্বা য়াওরম্বা তারবদি CPU না মদুবু অদুমক শিজিন্নৈ। করিগুম্বা য়াওরমদবা তারগদি কেচ মেমোরিনা ৱার্ডকী শরুক খরা মেন মেমোরিদগী পারকই অমসুং CPU না অমুক কেচ মেমোরিদগী পারকপা ৱার্ডশিং অদু শিজিন্নৈ।
১.৪ হার্ডৱাইর অমসুং সোফ্টৱাইরগী ৱাখল্লোন
সেক্সন অসিদা ঐখোয়না হার্ডৱাইর অমদি সোফ্টৱাইরগী খেন্নবা অদু নৈনগনি। সোফ্টৱাইরগী মখল কয়ামুক লৈ অমদি অনৌবা প্রোগ্রাম্মিং লেঙ্গুইজ কয়াসু লৈরে।
১.৪.১ হার্ডৱাইর (HARDWARE)
ঐখোয়না খুৎনা শোকপা, থেংবা য়াবা, ফাওবা ঙম্বা ইলেক্ট্রোনিক সর্কিট অমসুং মেকানিকেলগী ওইবা মচাকশিং খুদম ওইনা হার্ড দিস্ক, প্রিন্টর, সেন্ট্রেল প্রোসেসিং য়ুনিৎ, কিবোর্ড, মাউস, মাদর্বোর্ড অমসুং অতৈ পেরিফরেল দিভাইসশিংনি।
১.৪.২ সোফ্টৱাইর (SOFTWARE)
প্রোগ্রামশিং হায়বদি কম্প্যুটরনা পাংথোক্কদবা ইন্ষ্ট্রক্সনশিংগী লিস্ট অদুবু কম্প্যুটর অদুগী সোফ্টৱাইর কৌই। কম্প্যুটর অমদি য়ুজরগী দরকারগী মখা পোন্না সোফ্টৱাইর অসি মখল কায়া থোক্না লৈ। সোফ্টৱাইর অসি মরুওইনা মখল অনি থোক্না খায়দোকই মদুদিঃ-
ক) সিস্টম সোফ্টৱাইর
খ) এপ্লিকেসন সোফ্টৱাইর
সিস্টম সোফ্টৱাইরনা কম্প্যুটরগী থবক থৌরমশিংবু কন্ট্রোল তৌই অমদি অমগা অমগা চান্নহল্লি লোইননা কম্প্যুটরগী মচাক ময়ামশিংদুবু অমত্তা ওইনা ফজনা থবক তৌবা সিস্টম অমা ওইহল্লি। সিস্টম সোফ্টৱাইরনা য়ুজরবু কম্প্যুটরগী সিস্টম অমসুং মাগী লৈজরিবা রিসোর্সশিংবু শিজিন্নবা ঙম্নবা পাম্বৈ অদু পি। ইন্ষ্ট্রকসনশিংবু মেছিন কোদতা ওনথোকপা অসি অখন্নবা সোফ্টৱাইরগী কাংলুপ কম্পাইলর ‘Compiler' কৌবা অমনা পাংথোকই। ওপরেটিং সিস্টমনা কম্প্যুটরবু শিজিন্নবা য়াহল্লি অমদি কম্প্যুটরদা শম্লিবা তোঙান তোঙানবা মচাকশিংবুসু কন্ট্রোল তৌই। ওপরেটিং সিস্টম অমদি কম্পাইলর অসি সিস্টম সোফ্টৱারগী খুদমশিংনি।
এপ্লিকেসন সোফ্টৱাইর হায়বসিনা কম্প্যুটরবু, য়ুজরগা মরি লৈনবা অকক্নবা থবক অমা তৌহনবা প্রোগ্রামশিং খুদম ওইনা পেরোল প্রোসেসিং, ইনভেন্টরি কন্ট্রোল নত্রগা ৱার্ড প্রোসেসিং অসিনচিংববু খংনৈ। এপ্লিকেসন সোফ্টৱাইর অসি কম্প্যুটর পুথোক্লিবা মেনুফেকচরর নত্রগা সোফৱাইর য়োনফমশিং(vendors) নত্রগা প্রোগ্রাম্মরশিংনা ইরকপা ওইবা য়াই।
১.৪.৩ প্রোগ্রাম্মিং লেঙ্গুয়জশিং (PROGRAMMING LANGUAGES)
কম্প্যুটরদি ঐখোয়না ইন্ষ্ট্রক্সন পিদুনা তৌ হায়রিবা থবক্তুদমক তৌগনি। অকক্নবা থবক অমা পাংথোক্নবগীদমক পিরিবা মথং-মনাও নাইবা ইন্ষ্ট্রক্সনশিং অদুবু প্রোগ্রাম কৌই। প্রোগ্রাম অমবু তোঙান তোঙানবা লেঙ্গুয়জ কয়াদা ইবা য়াই। কম্প্যুটর প্রোগ্রাম অসি প্রোগ্রাম্মরশিংনা তোঙান তোঙানবা লেঙ্গুয়জ শিজিন্নদুনা ইবা য়াই। কম্প্যুটর লেঙ্গুয়জ হায়বসি ইশম-শম্না, মীওইবনা কম্প্যুটরদা করি তৌগদগে হায়বদু হায়ননবা অখন্নবা ৱাহৈ নত্রগা ফ্রেজনি। লেঙ্গুয়জ খুদিংমক্তা অখন্নবা রুলশিং অমদি পঙ্কচুএসন সিম্বলশিং শিজিন্নরগা পুনশিন্নদুনা ইন্ষ্ট্রক্সনশিং শেম্মি। মেছিন লেঙ্গুয়জ, এসেম্বলি লেঙ্গয়জ, হাই লেভেল লেঙ্গুয়জ অমসুং হৌজিক্না ফোর্ঠ জেনরেসন লেঙ্গুয়জশিং(forth generation language (4GLs)) শিজিন্নদুনা প্রোগ্রামশিং ইবা য়াই।
মেছিন লেঙ্গুয়জ (Machine Language)
কম্প্যুটরশিং অসিনা বাইনরি নম্বরশিংদমক শিজিন্নদুনা থবক তৌই হায়বদি 0 শিং অমদি 1 শিংদনা পুনশিন্দুনা শেম্লকপা ইন্ষ্ট্রকসনশিংদমক মখোয়না পাংথোকপা ঙম্মি। অসিগুম্না শেমগৎলকপা ইন্ষ্ট্রকসনশিং অসিবু মেছিন কোড নত্রগা বাইনরি কোড কৌই। বাইনরি কোড শিজিন্নদুনা মেছিন লেঙ্গুয়জ প্রোগ্রাম্মিং তৌবসি মতম য়াম্না চংই অমদি ইরাই লাইনা হেক্তমক লানগল্লি। ঙল্লিঙৈ মতমদা কম্প্যুটর প্রোগ্রাম্মিং তৌবসি লেঙ্গুয়জ অসি শিজিন্নদুনা তৌরম্মই। হৌজিক্কি মতমদদি ইরবা প্রোগ্রামশিং অসিবু কম্পাইলরশিং শিজিন্নদুনা মেছিন লেঙ্গুইয়জদা ওন্থোকই অমদি কম্প্যুটরনা প্রোগ্রামশিং অদুবু থবক ওইনা পাংথোকই। মসিবু লোৱেষ্ট লেভেল লেঙ্গুয়জ হায়নসু খঙনৈ, মরমদি মসি য়ুজরশিংনা শিজিন্নবা নুঙাইবা ওইদে।
এসেম্বলি লেঙ্গুয়জ (Assembly Language)
লেঙ্গুয়জ অসিদা প্রোগ্রাম ইনবগীদমক নেমোনিকশিং(mnemonics) শিজিন্নৈ। লেঙ্গুয়জ অসিনা CPU গা হকথেংননা ই-পাউ ফাওনৈ অমদি মসি প্রোসেসরগী মখা পোল্লি। মসি প্রোসেসরবু কন্ট্রোল তৌবা ঙম্বা এপ্লিকেসনশিং শাবা ইনজিনিয়রশিংনা শিজিন্নৈ।
হাই লেভেল লেঙ্গুয়জ (High Level Language)
য়ুজরশিংনা ইন্ষ্ট্রক্সনশিংবু ইবদা লাইথোক্না ইবা য়ানবগীদমক হাইয়র-লেভেল লেঙ্গুয়জশিং অসিবু পুথোরকপনি । এসেম্বলি লেঙ্গুয়জশিং অমদি মেছিন লেঙ্গুয়জশিংগা য়েংনরুবদা লেঙ্গুয়জশিং অসিদি য়াম্না শিজিন্নবা নুঙাই অমদি প্রোগ্রাম অমা ইবদা য়াম্না লাইনা থোকই। BASIC, COBOL অমসুং PASCAL অসিনচিংবা অসি হাই লেভেল লেঙ্গুয়জশিংগী খুদমনি।
ফোর্ঠ জেনরেসন লেঙ্গুয়জ (Forth Generation Language(4GLs)
মখোয়শি ক্বেরি লেঙ্গয়জ নত্রগা ইন্টরেক্টিভ লেঙ্গুয়জশিংনি। খুদমদিঃ- Structured Query Language, QBE, Focus. মখোয়শিং অদি দাতাবেজদগী দাতাশিং শিজিন্ননবা অমসুং শেমদোক শেমজিন তৌবদা শিজিন্নৈ।
১.৫ কম্প্যুটরগী মখলশিং (CLASSIFICATION OF COMPUTERS)
কম্প্যুটরশিংবু মখোয়না থবক তৌবা মওংগী মতুংইন্না মখল অহুম থোক্না খায়দোকই। মখোয় অদুদি দিজিতেল কম্প্যুটর(Digital Computers), এনালোগ কম্প্যুটর(Analog Computers) অমসুং হাইব্রিদ কম্প্যুটর(Hybrid Computers)নি।
১.৫.১ দিজিতেল কম্প্যুটরশিং
The digital Computers work upon discontinuous or discrete data. মখোয়না দাতাশিংবু দিজিতেল সিগ্নেল (বাইনরি মশিং ০ অমসুং ১) ওইনা ওন্থোকই অমসুং থবক খুদিংমক য়াম্না থুনা পাংথোকই। দিজিতেল কম্প্যুটর অসি পুন্সিগী হিরম অয়াম্বদা শিজিন্নৈ। দিজিতেল কম্প্যুটর অসি অহানবদদি অঙ্ক হোৎনবগীদমক শাখিবনি। প্রোগ্রাম্বু হাপচিন্দুনা থম্বগী ৱাখল্লোনসিনা দাতা অমদি ইনফোর্মেসনবুসু হাপচিনবা থম্বা ঙমহল্লে লোইননা এরিথমেতিক ওপরেসন খরনা পুনশিনদুনা শেম্বা, অকক্নবা পরেং খরসু মথন্তনা থবক পাংথোকচবা ঙমহল্লে। মসিনা দিদিতেল কম্প্যুটরবু তোঙান তোঙানবা শিজিন্নফম কয়াদা শিজিন্নবা য়াহল্লে। ঐখোয়না মরু ওইনা নৈনগদবদি দিজিতেল কম্প্যুটরনি। দিজিতেল কম্প্যুটরসি মখা তানা কাংলুপ অনি থোক্না খায়দোকপা য়াই। মদুদিঃ- শিজিন্নফমগী মতুংইন্না(Purpose-wise) অমদি চাউবা অমসুং থবক তৌবা ঙম্বগী চাংগী(Size and Performance wise) মতুংইন্না।
শিজিন্নফমগী মতুংইন্না দিজিতেল কম্প্যুটর অসি মখল অনি থোক্না অমুক খায়দোকপা য়াই। স্পেসিয়ল পর্পজ কম্প্যুটর (Special-purpose Computer) অমসুং জেনরেল পর্পজ কম্প্যুটরনি (General purpose Computer) ।
১. স্পেসিয়ল পর্পজ কম্প্যুটর (Special-purpose Computer): মসিগী কম্প্যুটর মখল অসি অখন্নবা থবক পাংথোক্নবগীদমক শাবনি। থবক অমবু পাংথোক্নবগীদমক ইন্ষ্ট্রক্সন(প্রোগ্রাম)শিং অদু মেছিন্দা হাপচিন্দুনা থম্মি। অসুম্না থম্বসিনা শুপ্নগী কমান্দ অমখক্তদা অপিবা থবক অমা লোইশিনবা ঙম্মি। অকক্নবা থবক খরা তৌনবগীদমক্তদি কম্প্যুটর মখল অসি মথৌ য়াম্না ফজনা তৌবা ঙম্মি অদুবু হিরম খুদিংমক্তদি মসি শিজিন্নবা য়াবা (Versatile) ওইদে।
১. জেনরেল পর্পজ কম্প্যুটরনি (General-purpose Computer): মসি মখল কয়াগী প্রোগ্রাম ইনপুতশিং শিজিন্নবা য়াহল্লি অমসুং মরম অসিনা মসি মশিং থিঙমদ্রবা এপ্লিকেসন কয়া কয়া শিজিন্নবা য়াই। প্রোগ্রামশিং অসি মতমচুপ্পগী ওইনা হাপচিন্দুনা থমদে অদুবু শিজিন্নরকপা মতऀ®দদি হাপচিল্লি। অসিগুম্বা কম্প্যুটর মখল অসি হিরম খুদিংদা শিজিন্নবা য়াই হায়বদি Versatile ওই।
চাউবা অমসুং থবক তৌবা ঙম্বগী চাংগী(Size and Performance wise) মতুংইন্না দিজিতেল কম্প্যুটর অসি মখল মরি থোক্না খায়দোকপা য়াই। মদুদিঃ- মাইক্রোকম্প্যুটর(Microcomputers), মিনিকম্প্যুটর(Minicomputers), মেনফ্রেম(Mainframes) অমসুং সুপরকম্প্যুটরনি(Supercomputers)।
১. মাইক্রোকম্প্যুটর নত্রগা পার্সনেল কম্প্যুটরঃ -মাইক্রোকম্প্যুটর হায়বসি, CPU অদু মাইক্রোপ্রোসেসর ওইবা কম্প্যুটর মখলনি। মখোয়শিংসি সিংগল-মাইক্রোপ্রোসেসের হায়বদি মাইক্রোপ্রোসেসর অমখক্তমক য়াউই, সিঙ্গল-য়ুজর হায়বদি মতম অমতদা য়ুজর অমখক্তমক শিজিন্নবা য়াবা ওই, জেনরেল পর্পজ ফঙ্কসনশিং শিজিন্ননবগীদমক্তা শাবনি। মখোয়সি মরুওইনা ওফিসশিং, য়ুমদা, স্কুলশিংদা, দুকানশিংদা অমদি স্টোরনচিংবদা শিজিন্নৈ। IBM PCs, Apples Mac, IBM PS/2 অসিনচিংবা অসি মখল অসিগী মমিং লৈরবা কম্প্যুটরশিংনি।
২. মিনিকম্প্যুটরঃ- কমপ্যুটর মখল অসি মাইক্রোকম্প্যুটরশিংদগী, প্রোসেসিং তৌবা ঙম্বগী শক্তি অমদি থবক তৌবা ঙম্বগী চাং য়াম্না হেল্লি। মিনিকম্প্যুটরশিং অসি মল্টি-য়ুজর ওই হায়বদি মতম অমত্তদা য়ুজর ময়াম্না তৌবা য়াই। মিনিকম্প্যুটর অসি মাইক্রোকম্প্যুটরগা য়েংনবদা স্টোরেজ কেপাসিটি য়াম্না ৱাংই অমদি ইনপুট/আউতপুট ইন্টরফেস মশিং য়াম্বা হেল্লি। য়াম্না শিজিন্নবা মিনিকম্প্যুটরগী খুদম অমদি -PDP-11
৩. মেনফ্রেমঃ-মখোয় অসিদি য়াম্না চাউবা দাতা নত্রগা ইনফোর্মেসনশিং থম্নবগীদমক্তা শিজিন্নৈ। মখোয়সি মতম অমত্তদা য়ুজর ১০০ দগী হেন্না থবক তৌবা য়াই। মখোয়সি মিনিকম্প্যুটরগা য়েংনবদা য়াম্না তাংই, প্রোসেস তৌবা ঙম্বগী শক্তি য়াম্না ৱাংই অমসুং স্টোরেজ কেপাসিতি য়াম্না হেল্লি। মখোয়সি মতম অমত্তদা প্রোসেসর অমদগী হেন্না থবক পুন্না তৌমিন্নবা ঙম্মি। অসুম্না মেনফ্রেমশিং অসি মল্টি-য়ুজর অমসুং মল্টিপ্রোসেসর সিষ্টম ওই। মেনফ্রেম কম্প্যুটরশিং অসিবু শিজিন্ননবা অমদি মসিগী থবক থৌরমশিংবু য়েংশিন্নবগীদমক য়াম্না লুবা ওপরেটিং সিষ্টম দরকার ওই। মেনফ্রেমগী খুদম খরদি - CDC 6600, VAX 8842, IBM 4381
৪. সুপরকম্প্যুটরঃ-মখোয়সি দিজিতেল কম্প্যুটরশিংগী মরক্তা খ্বাইদগী হেন্না মপাঙ্গল কনবা কম্প্যুটরনি। মসিদা প্রোসেসর কয়ামরুম য়াওই অমদি মখোয়শিংদু মতম অমত্তদা পুন্না থবক তৌমিন্নদুনা হেন্না থুবা অমদি হেন্না মপাঙ্গল কনবা ওইহল্লি। অসিগুম্বা কম্প্যুটর মখল অসি মীওইবনা তৌবা ঙমদবা চাউর-চাউরবা কাল্কুলেসন কয়া তৌবা ঙম্মি। সুপরকম্প্যুটরশিং অসিনা সেকেন্দ অমগী মনুংদা ইন্ষ্ট্রক্সন ত্রিলিয়ন কয়া কায়া পাংথোকপা ঙম্মি। মখোয় অসি মরু ওইনা অইং-অশা, ঈশিং-নুংশিৎকী ফিভম মাংজৌননা পিবা, ন্যুক্লিয়র সাইন্সকী রিসার্ছ অসিনচিংবদা শিজিন্নৈ। সুপরকম্প্যুটরগী খুদম খরদি - CRAY X-MP/14, CDC-205, FUJITSU VP-400, NEC SX-2, PARAM, ANURAG. PARAM অমসুং ANURAG অসিদি ভারতনা পুথোকপা অদুগা ইয়ুরোপিয়ন লৈবাক কায়াদা থাদোখপা সুপরকম্প্যুটরশিংনি।
১.৫.২ এনালোগ কম্প্যুটরশিং (ANALOG COMPUTERS)
এনালোগ কম্প্যুটর অসি পরিং কাইদনা চাং নাইনা হোংবা পোৎশকশিংদা শিজিন্নৈ। কম্পুতেসনশিং অসি ফিজিকেল ক্বানটিটিশিং হায়বদি ভোল্টেজ, অশাংবা, করেন্ট, টেম্পরেচর অসিনচিংবগা মরি লৈননা পাংথোকই। অসিগুম্বা ক্বানটিটিশিং ওল্লিবা খুৎলাইশিং অসি এনালোগ দিভাইসশিংনি। খুদমদি ভোল্টমেটর, এম্মেটর অসিনচিংবা। এনালোগ কম্প্যুটরশিং অসি কম্পুটিংদগীদি ওনথোক-ওনশিন (measuring) না হেন্না ফজনা তৌই। এনালোগ কম্প্যুটরশিংনা হেন্না কান্নরিবা অসি কালকুলেসন পুম্নমক মতম অমত্তদা পুন্না তৌই মরম অসিনা হেন্না থুগৎনবা মচাক ওই। দিজিতেল কম্প্যুটরগা চাংদম্নবদা মখোয়সি চাং নাইনা হোংবা ক্বানটিটিশিংদা শিজিন্নবনা চুম্বগী চাং য়াম্না হন্থৈ। এনালোগ কম্প্যুটরশিং অসি ইনজিনিয়রিং অমসুং সান্টিফিক এপ্লিকেসনশিংদা শিজিন্নৈ। ইলেক্ট্রোনিক্কী অরুম্বা ওন্নবা খুৎলাই (Electronic weighing scale) অসি এনালোগ কম্প্যুটরগী খুদমনি।
১.৫.৩ হায়ব্রিদ কম্প্যুটরশিং (HYBRID COMPUTERS)
হায়ব্রিদ কম্প্যুটরনা দিজিতেল কম্প্যুটর অমসুং অনালোগ কম্প্যুটর অনিমক্কী অফব মগুনশিং অদু খনগৎলগা শিজিন্নৈ। কম্প্যুটর মখল অসিনা লেপ্তনা হোংলিবা ক্বানটিটিদুবু চাং নাইনা ওল্লি অমদি মদুবু দিজিতেল সিগ্নেল ওইনা ওন্থোকই অমসুং মদুবু দিজিতেলগী ওইবা শরুক্তুনা প্রোসেস তৌই। হায়ব্রিদ কম্প্যুটরশিং অসি হোসপিতালশিংদা য়াম্না শিজিন্নৈ। মসিগী এনালোগকী শরুক অদুনা অনাবগী মীহুল, ব্লদ প্রেসর, টেম্পরেচর অমসুং অতৈ অনাবগী মওংশিং খংদোকপদা শিজিন্নৈ অদুগা মদু দিজিতেলগী মওংদা উৎথোক্তুনা অনাবগী মওংদু মুন্না খংদোকপা ঙমহল্লি। হায়ব্রিদ কম্প্যুটরশিং অসি অইং-অশা, ঈশিং-নুংশিৎ মাংজৌননা খঙদোকপদশু শিজিন্নৈ।
১.৬ দাতা/ইনফোর্মেসন থমজিনবগী মওং মতৌ
কম্প্যুটর অসি তোঙান তোঙানবা থবক কয়া পাংথোক্নবগীদমক্তা প্রোগ্রাম তৌবা য়াই। অদুমকপু, কম্প্যুটরনা থবক অমা তৌদ্রিঙৈদা প্রোসেস তৌগদবা দাতা অমদি দাতা অদুবু করম্না প্রোসেস তৌগদগে হায়বদুগী চপ-চাবা ইন্ষ্ট্রক্সনশিং অদুদি পিগদবনি।
১.৬.১ দাতা/ইনফোর্মেসনগী হায়বসি তাকপা
কান্নরবা ইনফোর্মেসনবু আউতপুত ওইনা থোরক্নবগীদমক দাতাশিং প্রোসেস তৌই। খুদম ওইনা 19, 4, 9, 2002, দিল্লি অসি রো দাতানি (raw data) । মসি আর্থ লৈবা ইনফোর্মেসন অমদি ওইদে। অদুমকপু, ঐখোয়না মসি 2002 গী 9 শুবা থাগী 19 শুবা নুমিত্তা দিল্লিদা নোং চুবগী চাং অসি 4 mm নি হায়রবদি, মপুংফাবা ইনফোর্মেসন ওইরে।
১.৬.২ কম্প্যুটরদা দাতা থমজিনবগী মওং
কম্প্যুটরগী মরুওইবা মচাকশিংগী ওইরিবা CPU, RAM নচিংবসি ট্রান্সিষ্টরনি। মখোয়শিং অসি মশিং য়াম্লবা ইন্টিগ্রেটেদ সর্কিটস্ (ICs) শিংনা শাবনি। মসিদা ট্রান্সিষ্টর কয়া য়াউই। ট্রান্সিষ্টরশিং অসি ওন নত্রগা ওফ অমখক্তমক য়াবা টু-ৱে-স্বিচ অমগুম থবক তৌই। ট্রান্সিষ্টরশিং অসিগী ওপরেতিং স্টেট অনিখক লৈঃ ওন নত্রগা ওফ। ট্রান্সিষ্টর অসি স্বিটচ ওন তৌবা মতমদা মদুবু 1 না মহুৎ শিল্লি। মসিগী ওন্ন-তৈনবদা, ট্রান্সিষ্টরনা স্বিচ ওফতা লৈবা মতমতা 0 না মহুৎ শিল্লি। অসুম্না কম্প্যুটরনা থবক তৌবা ঙম্বসি 0 অমসুং 1মশিং অনিসি খক্তনি।
মতৌ অসুম্না দাতাশিংবু থমজিনবা নত্রগা প্রোসেস তৌবা মতমদা সিম্বল অনিসিগী মথং মনাও নাইবা পরেং ওইনা ওনথোকই অমসুং থমজিল্লিৎ কম্প্যুটরগী মনুংদদি 0 অমসুং 1 অসি ইলেক্ট্রিক ভোল্টেজনা মহুৎ শিল্লি। ইলেক্ট্রি ভোল্টেজ অসিগী মওং নত্রগা চাং অনিখক লৈ মদুদি হাই অমসুং লো নি। লো ভোল্টেজনা 0 বু মহুৎ শিল্লি অদুগা হাই ভোল্টেজনা 1 বু মহুৎ শিল্লি।
১.৬.৩ বিত অমসুং বাইত (BITS AND BYTES)
বিত (Bit) হায়বা ৱাহৈ অসি বাইনরি দিজিট (Binary digit) হায়বসিগী শম্না ইবা মওংনি। বিত হায়বসি কম্প্যুটরনা থবক তৌবা ঙম্বা খ্বাইদগী পিকবা ইনফোর্মেসনগী শরুক অদুনি। 0 অমসুং 1 গী ভ্যেলুবু বিত কৌই। বিতশিংনা পুনশিন্নদুনা খরা হেন্না চাউখৎপা ইনফোর্মেসনগী চবুল বাইত (Byte) কৌবা অমা শেম্মি। বাইত অমদা বিত নিপাল য়াওই অমসুং কম্প্যুটরনা থমজিনবা নত্রগা প্রোসেস তৌবদা বাইত অমমম পুন্না তৌই। বাইত অমনা ময়েক অমগী দাতা (অলফাবেট ময়েক, মশিং নত্রগা সিম্বলদা) মহুৎ শিনবা ঙম্মী। কম্প্যুটরনা বাইত অমমমবু মেমোরিদা হাপচিনবা ঙম্মি অমদি মদুবু অমুক লৌথোক্তুনা শিজিন্নবসু ঙম্মি।
|
|
8 Bits |
|
|
1024 Bytes |
|
|
1024 Kilobytes |
|
|
1024 Megabytes |
1
Byte
1
Kilobyte
1
Gigabyte
ফিগর ৩- কম্প্যুটরদা দাতা থমজিনবগী মওং
১.৭ দাতা প্রোসেসিংগী ৱাখল্লোন (CONCEPT OF DATA PROCESSING )
কম্প্যুটরনা দাতা প্রোসেস তৌবা মতমদা মখাগী থবকশিং অসি পাংথোকইঃ-
1. দরকার লৈবা দাতা,
প্রোগ্রামশিং অদু ইনপুট দিভাইসকী মতেংনা কম্প্যুটর সিষ্টমদা চংহল্লি অমদি মদুবু
দরকার লৈবা মতমদা শিজিন্নবা য়ানবগীদমক মেন মেমোরিদা হাপ্তুনা থম্মি।
2. অদুদগী CPU না মেন মোরিদগী ইন্ষ্ট্রক্সনশিং
অদু অমমমতা ওইনা লৌথোকই। ইন্ষ্ট্রক্সনশিং অদুবু দিকোদ তৌদুনা করি থবক তৌগদগে
হায়বদু খঙদোকই।
3. ইন্ষ্ট্রক্সনগী মতুংইন্না মেন মেমোরিদগী দাতা দরকার লৈরকপা মতমদা CPU না মেন মেমোরিদগী দাতাশিং লৌথোকই।
4. ইন্ষ্ট্রক্সনগী মতুং
ইন্না CPU না করম্বা ওপরেসন
হায়বদি এরিঠমেটিক নত্রগা লোজিকেল ওপরেসন অদু পাংথোকই। ইন্ষ্ট্রক্সন অমা হেক
পাংথোকপা লোইবগা, ফল অদু মতম খরগী ওইনা CPU না হাপচিন্দুনা থম্মি নত্রগা মেন মেমোরিদা লৈহল্লি।
5. প্রোসেসিং সাইকল হায়বদি ইন্ষ্ট্রক্সন লৌশিনবা, দিকোদ তৌবা, ইন্ষ্ট্রক্সনদুবু পাংথোকপা অমদি ফল অদুবু হাপচিন্দুনা থমহৌবা অসি CPU না প্রোগ্রামদুগী ইন্ষ্ট্রক্সনশিং অদু পুমলোই লোইদ্রবা ফাওবা হঞ্জিন-হঞ্জিন পাংথোকই। মদুগী অরোইবগী ফল অদু মেন মেমোরিদা হাপ্তুনা থম্মি নত্রগা প্রিন্তরগুম্বা আউতপুট দিভাইস অমদা পুথোরকই।
নহাক্কী খঙবগী চাংদু য়েংউঃ-
1.
কম্প্যুটরগী মচাক অহুমগী মমিং ইয়ু।
2. RAM হায়বসিনা করিবু খঙহনবগে?
3. 1 MBYTES = ........ bytes
4. সিস্টম সোফ্টৱাইরগী খুদম অনি পিয়ু।
১.৮ শম্লপ্পা ৱারোল
পন্দুপ অসিদা নৈনখিবশিংদিঃ-
- কম্প্যুটরগী এপ্লিকেসনশিং অমদি শিজিন্নফমশিং
- কম্প্যুটরগী মচাকশিং
- মেমোরিগী মখলশিং
- কম্প্যুটরগী মখলশিং
- কম্প্যুটর লেঙ্গুয়জশিংগী মরক্তা লৈবা খেন্নবশিং
- এপ্লিকেসন অমসুং সিস্টম সোফ্টৱাইরগী খেন্নবশিং
- কম্প্যুটরদা দাতাশিংনা লৈবগী মওং, খুদমঃ- বিত অমসুং বাইত
মথংগী পন্দুপ্তা ৱিন্দোজ ওপরেটিং সিস্টমগী মওং-মতৌ অমসুং ফাইল অমদি ফোলদরশিং মতৌ করম্না শিজিন্নগদগে হায়বগী মরমদা নৈনগনি।
১.৯ পাউখুমশিং
Ans.1 (a) CPU
(b) মেমোরি
(c) ইনপুট অমসুং আউতপুট দিভাইসিং
Ans.2 রেন্দম এসেস মেমোরি
Ans.3 1024 Kilo
Ans.4 ওপরেটিং সিস্টম অমদু কম্পাইলর