NT দা য়ুমফম ওইবা ওপরেতিং সিষ্টমশিং হায়বদি Windows 2000 নত্রগা XP অসি reliability (থাজনিঙাই ওইবা) অমসুং stability গী মতাংদদি Windows 95/98/Me গা কাংলুপ তোঙানবা অমা ওইরে। অমুক হন্না boot তৌদনা হপ্তা, থা কয়া শিজিন্নবা য়াই। করিগুম্বা প্রোগ্রাম অমা Crash (কাইখিবা) তৌখিবা থোক্লবসু অপুন্বা সিষ্টম অসিবু unstable ওইহন্দে। Hibernation অমসুং Suspend-to-RAM গুম্বা মৈ-কন্থোকপা(মাংহন্দবা) ঙম্বা মচাক কয়া অমা হাপচিল্লক্লে। মখোয়না NTFS ফাইল সিষ্টম শিজিন্নৈ। মসি হেন্না চাউবা দ্রাইভশিংদদি শিজিন্নবা নুঙাইহল্লি, থুবা খরসু হেল্লি অমসুং চেকশিনবা হেল্লি। করিগুম্বা নংনা নহাক্কী PC বু মুথৎপদা লাল্লবা নত্রগা মৈ মুৎখ্রবা থোক্লবদি নহাক্কী দাতা মাংবগী চাং হন্থৈ। মসিদা মশাগী Encryption তৌনবগী খুদোংচাবা হাপ্লকই। মরমসিনা, করিগুম্বা নহাক্না পাম্লবদি অকক্নবা ফাইলশিং নত্রগা নহাক্কী অপুনবা হার্ড দ্রাইভ অদুবু অতোপ্পা তোঙান্বা Application শিজিন্নদনা পাসৱার্ড হাপচিন্দুনা অতোপ্পনা য়েংখিগদবদগী ঙাকথোকপা ঙম্মী।

ওপরেতিং সিষ্টমশিং অসিগী ৱিন্দোজ এপ্লিকেসনশিংদা হেন্না নুঙাইহনবা অনৌবা মচাক মচা মচাশিং হাপচিল্লক্লে। চহি ১০ চুপ্না MS Office না তৌরক্লিবা Standard Windows গী সোর্টকট কীশিং খুদম ওইনা কৎ, কোপী, সেব, পেষ্ট, প্রিন নচিংবা কয়াসু Notepad তা হাপচিল্লক্লে। Character Map সু য়াম্না ফগৎহল্লে অমসুং হৌজিক্তি মসি Unicode ময়েকশিংদসু শিজিন্নবা য়ারে।

ৱিন্দোজ ২০০০ অমসুং XP গীদমক্তদি পুমনৌ নৌবা device driver গী কাংলুপ অমা চংই। Windows 95/98/ME গীদমক শাবা device driver শিংদু Windows 2000 নত্রগা XP দা শিজিন্নবা য়াদে। অসিগুম্বা খুদোংচাদবা অসি Windows 2000 দনা XP দগী হেন্না থেংনৈ মরমদি 2000 অসি মরু ওইনা ললোল-ইতিক্কীদমক শিজিন্ননবগীদমক শাখিবনি অমসুং য়ুমগী ওইনা শিজিন্নবা খুৎলাইশিংগীদি খুৎলাইশিং অদুবু শারিবা manufacturer শিংনা দরকার লৈরোই খন্না শাদবদগী Windows 2000 গী device driver লৈতে। Windows 2000 অসি গেম শান্নবা অমসুং মসিগা মান্নবা থবকশিংগীদমক্তদি নুঙাইবা ওইদে।

Windows 2000 নত্রগা XP দা অরিবা Windows অমসুং DOS গী এপ্লিকেসনশিং শিজিন্নবদা চান্নদবগী অৱাবা থেংনৈ। মসিগী ওপরেতিং সিষ্টম অসি DOS তা য়ুম্ফম ওইদে অমসুং মসিদা য়াওরিবা command prompt অসিদি DOS কি মওং লাক্তুনা মতৌ তম্বনি। Windows NT গী মমাংগী এপ্লিকেসনশিং, তোঙান তোঙানবা য়ুজর একাউন্টশিংনা শিজিন্নরবদি নুঙাইতবা থেংনগনি মরমদি administrator গী অয়াবা য়াওদনা registry গী শরুক খরদি শেমদোকপা ঙমদে। অতোপা ৱাহৈ অমদা হায়রবদি, এপ্লিকেসন খরদি administrator ওইনা লোগ ওন তৌরবা খক্তদা শিজিন্নবা য়াগনি। মসিমক 16-bit Windows application(Windows 3.1 নত্রগা মমাংগী) শিংদসু অদুমক থোকই, খরনা শিজিন্নবা য়াই অদুগা খরা অমনা শিজিন্নবা য়াদে, মখোয়গী শিজিন্নবা য়াবা নত্রগা য়াদবগী অকক্নবা নিয়ম লৈতে।