AERO ইন্টরফেস হায়বগী ৱাহন্থোক্তি Authentic, Energetic, Reflective অমসুং Open হায়বনি। ৱিন্দোজ বিষ্টানা অনৌবা মওংদা তৌবা গ্রাফিকেল য়ুজর ইন্টরফেস অমা উহল্লি। AERO ইন্টরফেস অসি ৱিন্দোজ বিষ্টাগী খরা ৱাংবা ভর্জনশিং হায়বদি Home Premium, Business, Ultimate অমসুং Enterprise Editions শিংদা ফংই। নহাক্কী সিষ্টমদা AERO য়াওবগী কান্নবদি মরুওইনা শুমহৎনিঙাই ওইনা ফজবা অসিনি অদুবু মসিনা দোকুমেন্টশিংবু অরাইবা মওংদা হাংদোক্তুনা অমদি শেম-শাদুনা পোত্থোক পুথোকপগী চাং ৱাংখৎহল্লি।

AERO ইন্টরফেস খক্তদা উবা ৱিন্দোজশিংবু মিংশেলগুম্না মনুং মপান হায়রপ ফাওদোক্না উবা মওং অসি ৱিন্দোজগীদি পুম্নৌ নৌবা অমনি। মসিদা ৱিন্দোজশিং অদু হায়রপ মনুং মপান ফাওনা উদুনা মদুগী মখাদা হাংদোক্তুনা লৈবা অতোপ্পা ৱিন্দোজ শিংবুসু উহল্লি। The new interface gives the feeling of being more open and productive। ৱিন্দোজশিং অসিগী Opacity(মনুং মপান ফাওনা উবগী চাং) অমসুং মচু হোংদোক হোংজিন তৌবা য়াই। মসিনা য়ুজরশিংবু মাগী তৌরিবা থবক অদুগী ফিভমগী মখা পোন্না নুঙাইনবা শেমদোকচবা য়াই।

খংজিনগদবাঃ- Windows AERO অসি Windows Experience index অসি ৩.০ দগী চাওনা থম্লগা মশা মথন্তা enable ওইহনগদবানি।

১. ষ্টার্ট বট্টনদা ক্লিক তৌরগা Control Panel খল্লু। System and maintenance তা ক্লিক তৌরো অদুগা Performance Information and Tools দা ক্লিক তৌ।

২. নহাক্কী কম্প্যুটরগী Windows Experience Index গী base score অমসুং subscore শিং য়েংউ। করিগুম্বা নহাক্কী কম্প্যুটরগী hardware হাপচিনখ্রবা অদুগা score গী অহোংবা অদু উবা পাম্লদি Update my score দা ক্লিক তৌ। করিগুম্বা নহাক্না base score অমা নত্রগা subscore শিং অদু উবা ফংদ্রবদি Score this computer দা ক্লিক তৌ।

AERO ইন্টরফেসতা Windows Flip নত্রগা Flip 3D গী ওপ্সন অসি য়াওই। মসিনা নহাক্কী দেস্কতোপ্তা হাংলিবা ইনফোর্মেসনশিংবু লাইনা শিজিন্নবা য়াহল্লি। মসিগী function অসি উনবগীদমক ALT+Tab কী পুন্না নম্মু। মসিনা নহাক্কী হাংদোক্তুনা থম্লিবা এপ্লিকেসনশিংগী Live thumbnail শিংদা চোংদুনা চৎকনি। মমাংগী Windows গী ভর্জনশিংদা Alt+Tab শিজিন্নবা খুৎলোইরবা মীশিংদি, মসিগী মনুং মপান ফাওদোক্না উবা ঙম্বা অমসুং Live thumbnail গী কান্নবা অসি য়াম্না থুনা খংবা ঙমগনি। মসিনা হাংদোক্তুনা লৈবা ৱিন্দো অমবু য়াম্না নুঙাইনা থিবা য়াগনি।

Windows Flip তা নত্তনা ৱিন্দোজ বিষ্টানা য়ুজরশিংবু ৱিন্দোশিংবু 3D গী মওংদা হাংদোকপসু য়াহল্লি। 3D Flip কি মওং অসি Windows key+Tab শিজিন্নদুনা Activate তৌবা য়াই। তৌদুনা য়েংউ।

 

য়ুজর ইন্টরফেস configure তৌবাঃ-

ৱিন্দোজগী AERO ইন্টরফেস অসি শিজিরিবা য়ুজরদুগী দরকারগী মখা পোন্না হোংদোক হোংজিন তৌবা য়াই। মসিগী শেম্বগী মওং অসি Microsoft Windows XP না মাগী theme শিং হোংবা য়াবা অদুগা মান্নৈ। মচু হোংদোকপনা OS অদু য়ুজরনা হেন্না শিজিন্নবা নুঙাইহল্লি।

হৌজিক ঐখোয় ইন্টরফেসকী মশাগী লৈজবা মিংশেলগী মওং অদুদগী অপাম্বা মচু অমদা হোংদোকশি.

১. Desktop তা রাইট ক্লিক তৌরগা Personalize খল্লু.

২. খ্বাইদগী মথক্তা য়াওবা Window Color and Appearance খ্ল্লু.

৩. হান্ননা শেম্লগা থম্লবা মচুশিং কাংলুপ অদুদগী মচু অমা খল্লো নত্রগা Show Color লিঙ্কতা ক্লিক তৌদুনা ইশাগী ওইবা মচু অমা শেমজবসু য়াই.

৪. OK দা ক্লিক তৌরবা মতুংদা নহাক্না অনৌবা মচু শেম্নবা ৱিন্দো অমা থোরক্কনি.

Personalize management স্ক্রিনদগী নহাক্না Windows Vista দেক্সটোপকী অতোপ্পা মচাকশিংবুসু শেমদোক শেমজিন তৌবা য়াই. খুদম ওইনা নহাক্কী ইমুং-মনুংগী ফোতোবু নহাক্কী দেস্কতোপকী ব্যেকগ্রাউণ্ড ওইহনবদগী হৌরগা ৱিন্দোজগী মনুং মপান ফাওনা উবা ঙম্বগী চাং ফাওবনি.

দেস্কতোপ ব্যেকগ্রাউণ্ডবু মশাগী লৈজরম্বা অদুদগী অতোপ্পা হোংদোকপা.

১. দেস্কটোপ্তা রাইট ক্লিক তৌরগা Personalize দা খল্লু.

২. Personalize Management স্ক্রিনদগী Desktop Background খল্লো.

৩. Microsoft কী হান্না য়াওজরম্বা picture অমা খল্লো নত্রগা নহাক্কী দেস্কটোপ্তা লৈবা অপাম্বা picture অমা খন্ননবগীদমক drop down মেনু অদু শিজিন্নৌ.

৪. নহাক্না picture অদুবু থোকহন্নিংলিবা মওং হায়বদি Stretched, Tiled নত্রগা Centered খল্লো. Stretched তৌরবদি image অদু মোনিটরগী অপাকপা অদু থুংনা শন্দোকই( মসিদা নাকল অমদগী নাকল অমদনা হেন্না পাক্না শন্দোকখিবসু য়াই), Tiled তৌরবদি য়ুংনা অমসুং ফৈনা ফোতো অদু হঞ্জিন-হঞ্জিনবা মওংদা শিন্দোরক্কনি অমসুং Centered শিজিন্নরবদি দেস্কটোপকী ময়াইদা ফোতো অদু লৈগনি.

৫. OK দা ক্লিক তৌ.

 

Accessibility Feature শিং শেম-শাবাঃ-

Windows Vista অসি Accessibility Feature শিংদা য়াম্না হাপচিল্লক্লে. খোঞ্জেলবু মশক খংদোক্নবা সোফ্টৱাইর (Speech recognition software) অসি Operating system অসিগী মশা মনুংদা য়াওজরক্লে. Accessibility feature শিং অসি নামা শোইরবা মীশিংগী খ্ক্তা নত্তে- মশিগী ওপ্সন অসি কন্ট্রোল পেনেলদা উবা ফংগনি. মসিনা নহাক্কী মীৎকী অৱাবা হন্থহনদুনা নহাক্কী তৌবা ঙম্বগী চাং হেনগৎহনগনি লোইননা নহাক্কী অঙাংশিংগীগমক হেন্না ফবা ওইগনি. .

Ease of Access Center না য়ুজরশিংদা Operating system অদুগী Accessibility feature শিং শেমদোক শাদোক্নবা স্ক্রিন অমাখক্তদগী পুম্নমক শেমদোক শেমজিন তৌবা য়াহল্লি. Ease of Access Center গী মনুংদা স্ক্রিনদা লৈবা ময়েকশিংবু চাউথোক্না উহনবা, হাংদোক্লবা দোকুমেন্টশিংবু পাথোক্নবা narrator, on-screen keyboard, অমসুং অনৌবা speech recognition software অসিনি.

ময়েক, কর্সর অমসুং আইকোন শিংবু চাউথোক্না উহনবাঃ

নিংথিনবা উবা ঙমজদ্রবা মীশিংগীদমক স্ক্রিন্দা থোক্লিবা ময়েক্কী চাউবগী চাং অদু হেনগৎহন্নিংলে হায়না লৌরসি. Ease of Access Center গী মনুংদা য়াওবা ওপ্সন অসিনা তৌবা ঙম্বগী চাং অসি য়াম্না লাইনা হেনগৎহল্লি.

কম্প্যুটরবু দিস্প্লে য়াওদনা শিজিন্নবাঃ-.

মিৎ উদ্রবশিংগীদমক কম্প্যুটর অসি ৱা ঙাংহনবা য়াই. মসিনা সিষ্টম মেসেজশিং, স্ক্রিন্দা থোক্লকপা ময়েকশিং অমসুং স্ক্রিন্দা তৌরিবা থবকশিং অদু পাথোক্তুনা খংহল্লি. মসিগীদমক Use the computer without a display দা খল্লু.

উবদা নুঙাইনবগীদমক কম্প্যুটরবু শেমদোকপাঃ-

স্ক্রিন্দা থোকপা থৌদোকশিংবু নিংথিনা উবা ঙমদ্রবা মীওইশিংগীদমক সেট্টিং অসি শিজিন্নদুনা য়াম্না নিংথিনা শেমদোকপা য়াই. High Contrast কলর স্কিম অসি শিজিন্নদুনা দোকুমেন্টশিং, ৱেবসাইটশিং নত্রগা মখোয়না উরিবা স্ক্রিনশিং অদু য়াম্না থুনা অমুবা অমদি অঙৌবা ময়েক খক্তগী ওইবা ভর্জন অমা ওইহনবা য়াই. মসিবু য়াম্না থুনা ওইহন্নবগী কী (Quick key) দি ALT+Left SHIFT + PRINT SCREEN নি. মেনু অসি শিজিন্নদুনা Narrator বু থগৎপা অমসুং মুথৎপা য়াই.

.

 

মসিগী মনুংদা য়াওরিবা Magnifier না স্ক্রিনগী শরুক খরবু চাউথোক্না উহনবা ঙমহল্লি. মসিদা য়াওরিবু মেনু অসি শিজিন্নদুনা মসিবু(Magnifier) বু মুথৎপা অমসুং থাগৎপা য়াই. Magnifier management স্ক্রিন শিজিন্নদুনা ময়েকপু 2X তগী 16X ফাওবা য়ৌনা চাউখৎহনবা য়াই. Magnifier অসি স্ক্রিনগী মথক, ওই, নত্রগা য়েৎ অমসুং মখা থংবা শরুক্তা নপশিনবা য়াই.

Magnifier বু থাগৎপাঃ-

১. Start Menu দা ক্লিক তৌ.

২. Accessories দা ক্লিক তৌরো.

৩. Ease of Access ফোল্দর সেলেক্ট তৌরো.

৪. Magnifier সেলেক্ট তৌরো.

৫. ফিগরদা উৎলিবা অসিগুম্না মেনুদগী Scale factor সেলেক্ত তৌরো.

৬. মেনুদগী Dock position খল্লো.

৭. নহাক্না Magnifier শিজিন্নবা তোক্নিংলবা মতমদা মেনু অদু মুথৎলো.

Ease of Access Control Panel শিজিন্নরগা, অতোপ্পা ইনপুট দিভাইশিংগী খুথাংদা য়ুজরশিংনা কম্প্যুটরগা পাউ ফাওদোক্নবা য়াই খুদম ওইনা মাইক্রফোন. কীবোর্ড শিজিন্নবদা নুঙাইতবা য়ুজরশিংগীদমক্তা, কমাণ্ডশিংবু তাইপ তৌদুনা নত্রগা ক্লিক তৌদুনা পীবগী মহুত্তা Speech recognition software শিজিন্নদুনা পীবা য়াই.

নামা শোইরবা য়ুজরশিংনা য়াম্না মাউস কর্সর নত্রগা on-screen keyboard পাম্লম্বা য়াই. মসিনা খরা হেন্না চাউখৎপা ময়েক অচৌবনা টাইপ তৌবা ঙমহল্লি. অসিগুম্বা হাপচিল্লকপশিং অসিনা মরম ওইদুনা শোইনাইরবা মীওইশিংনা শিজিন্নবদা হেন্না লায়বা ওইহল্লি. অমদা পুন্না য়াওরবা Ease of Access না Windows Vista বু কৈথেলদা খ্বাইদগী হেন্না পাম্নরবশিংগী মরক্তা অমা ওইহল্লি অমদি মমাংদা লৈরম্বশিংদগী হেন্না ফগৎলবা ওইহল্লি.